Qyzdarymyz Azııa elderi arasynda úzdik ekenin dáleldedi – Eldos Saıdalın

<p>ASTANA. KAZINFORM &ndash; Qazaq qyzdary bokstan Taılandtyń Chıangmaı qalasynda ótken Azııa chempıonatynda jalpykomandalyq esepte kósh bastap, saryqurlyqta teńdessiz ekenderin dáleldedi. Bul týraly Kazinform tilshisine eksklıýzıv suhbat bergen Ulttyq quramanyń bas bapkeri Eldos Saıdalın aıtyp berdi.&nbsp;</p>

«Azııa oıyndaryn óte sátti ótkizdik. Qazaq qyzdary 5 qola, 5 altyn medalǵa qol jetkizip, Azııa elderi arasynda ózderiniń kóshbasshy ekenderin dáleldedi. Bul – bizdiń Ulttyq quramanyń aýyzbirshiliginiń, bereke-birliginiń arqasynda, talmaı eńbektenýimen kelgen jeńis dep aıta alamyn. Azııa birinshiligine óte joǵary deńgeıde daıyndaldyq. Ár boksshylarymyzdyń jeke bapkerleri de shákirtteri úshin baryn saldy. Ár jekpe-jekke taktıka qoldanyp otyrdyq. Sonyń nátıjesinde osyndaı kórsetkishke qol jetkizdik», - dep atap ótti bas bapker Eldos Jánibekuly.

Sonymen qatar bas bapker bul doda osy jyldyń sońǵy basty dodasy bolǵandyqtan, jyldy sátti aıaqtaýdy basty nazarǵa alǵanyn da jasyrmady.

«Ózderińiz bilesizder, bul – Azııa chempıonaty boksshylarymyz úshin osy jyldyń sońǵy basty dodasy boldy. Ony abyroımen aıaqtaý bizdiń basty maqsatymyz bolatyn. Biz sol degenimizge qol jetkizdik dep esepteımin. Árıne, bul jeńister bizdiń boksshy qyzdarymyzǵa ońaı kelgen joq. Birinshi ret iri dodada bas kıimsiz qolǵap túıistirip otyr. Bas kıimsiz judyryqtasý qyz balasyna ońaı soqpaıtynyn jaqsy bilesizder. Biraq, tártipke baǵyna otyryp, talapqa saı judyryqtasyp, úzdik kórsetkishke qol jetkizip otyrmyz. Jalpy, Azııa birinshiliginde toǵyz memlekettiń qyzdary júldege ilikti. Bizdiń qyzdar 5 altyn, 5 qola medalmen myqtylyǵyn dáleldedi», – dedi bas bapker.

Esterińizge sala keteıik, osyǵan deıin bokstan Qazaqstan áıelder quramasy I orynǵa ıe bolǵanyn jazǵan bolatynbyz