Qyz zorlamaq bolǵany úshin sottalǵan shymkenttik jigit 4 jyl boıy Grýzııada qashyp júrgen
Búgin Bas prokýratýra men QR ІІM Interpol qyzmetkerleri Syrtqy ister mınıstrliginiń kómegimen Grýzııadan sot úkimin oryndaý úshin Qazaqstan azamatyn ekstradıtsııalady.
2020 jyly ol Shymkent qalasynda kúsh qoldaný arqyly boıjetkendi zorlamaq bolǵan.
Jábirlenýshi belsendi qarsylyq kórsetip, qylmyskerdiń qolynan qashyp qutylǵandyqtan ol óz áreketin aıaǵyna deıin jetkize almaǵan.
Sot atalǵan tulǵany kináli dep tanyǵan, alaıda sottalǵan úkimdi jarııalaýyna qatyspaı, jasyrynyp, taǵaıyndalǵan jazany óteýden jaltarǵan.
Soǵan baılanysty oǵan halyqaralyq izdeý jarııalandy.
2023 jyly qazanda sottalýshy Grýzııa aýmaǵynda ustaldy.
Bas prokýratýranyń suraýy boıynsha grýzııalyq tarap ony ekstradıtsııalaý jóninde sheshim qabyldady.
Qazirgi ýaqytta ol Astana qalasynyń tergeý ızolıatorynda qamaýda otyr.