«Qyz zorlady»: Janqosh Turarovqa qatysty qylmystyq is toqtatyldy

<p>ALMATY. KAZINFORM &ndash; &laquo;Qyz zorlady&raquo; dep aıyptalǵan boksshy Janqosh Turarovqa qatysty qylmystyq is toqtatyldy. Bul týraly Almaty qalalyq polıtsııa departamenti málimdedi.</p>

Áýezov aýdandyq polıtsııa basqarmasy boksshyǵa qatysty Qazaqstan Respýblıkasy Qylmystyq kodeksiniń 120-baby 1-tarmaǵy boıynsha qylmystyq isti tergedi.

«Іs júrgizý aıasynda sot-medıtsınalyq jáne sot-bıologııalyq saraptama júrgizilip, qorytyndysy boıynsha zorlaý deregi rastalmady. 2024 jylǵy 20 qazanda Qazaqstan Respýblıkasy Qylmystyq is júrgizý kodeksiniń 35-baby 1-bóliginiń 2-tarmaǵy negizinde sotqa deıingi tergeýdi toqtatý týraly túpkilikti sheshim qabyldandy. Áýezov aýdandyq prokýratýrasy bul sheshimmen kelisti»,- dep habarlady vedomstvodan.

Qazaqstan Respýblıkasy Qylmystyq-protsessýaldyq kodeksiniń 201-babynyń talaptaryna sáıkes sotqa deıingi tergeýdiń basqa derekteri jarııa etýge jatpaıdy.

Eske salaıyq, osy jyldyń tamyzynda qazaqstandyq boksshyǵa qyz zorlady degen aıyp taǵylyp, qylmystyq is qozǵalǵan bolatyn.

Aıta keteıik, 33 jastaǵy Jańqosh Turarov - kásibı boksshy. 2023 jyldyń 21 naýryzynan bastap jartylaı orta salmaqtaǵy IBO bokstan álem chempıony.