Kıiz úıdegi atyshýly bıge qatysty qylmystyq is qozǵaldy

<p>ASTANA. KAZINFORM &ndash; Áleýmettik jelide qazaqtyń kıiz úıinde jartylaı jalańash bılegenderdiń vıdeosy tarap qoǵamdy dúr silkindirgen edi. Bas prokýratýra atalǵan jaıtqa qatysty qylmystyq is qozǵalǵanyn habarlady.&nbsp;</p>

Eske sala ketsek, Májilis depýtaty Samat Musabaev qoǵam belsendilerin «LGBT» nasıhatyna qarsy petıtsııa qorytyndysyn talqylaıtyn jıynǵa belsendi qatysýǵa úndegen edi.

Sonyń biri Samat Musabaevtyń aıtýynsha, jelide taralǵan vıdeorolıktiń qıyndysy búkil ultty, eldi qorlaýmen para-par.

Óz kezeginde Bas prokýratýra oqıǵanyń Almaty oblysy, Qarasaı aýdanynda túsirilgenin habarlap otyr.

«Atalǵan fakt boıynsha 2024 jylǵy 1 shildede Qarasaı aýdandyq polıtsııa basqarmasy Qylmystyq kodekstiń 174-babynyń 1-bóligi boıynsha «Áleýmettik, ulttyq, rýlyq, násildik, taptyq nemese dinı alaýyzdyqty qozdyrý» boıynsha sotqa deıingi tergeýdi bastady», - dep jaýap berdi vedomstvo.

Sondaı-aq, Bas prokýratýra qylmystyq is sheńberinde tıisti saraptama taǵaıyndaldy, tergeý amaldary júrgizilip jatqanyn málimdeıdi. Onyń nátıjeleri boıynsha quqyqtyq baǵa berilip, qylmystyq is boıynsha is júrgizý týraly sheshim qabyldanady.

Alaıda, Ulttyq qaýipsizdik komıteti beınerolık avtorlarynyń nıetin anyqtaý jáne qylmystyq quqyqtyń kórsetilgen normasyna obektıvti quqyqtyq baǵa berý múmkin emestigin jetkizdi.

Aıta ketsek, Mádenıet jáne aqparat mınıstri Aıda Balaeva kıiz úıde jartylaı jalańash bılegenderdiń vıdeosyna qatysty pikir bildirgen edi.