Qyz balany áýejaıda qaldyryp ketý oqıǵasy: Air Astana sotta jeńildi

<p>ASTANA. KAZINFORM &ndash; 12 jasar qyz bala &ndash; Zereni &laquo;Astana-Oral&raquo; reısinen túsirip ketý oqıǵasyna qatysty Air Astana kompanııasynyń appelıatsııalyq shaǵymy qanaǵattandyrylmady. Bul týraly balanyń qorǵaýshysy Danılhan Shaǵataev habarlady.</p>

— Búgin Air Astana-nyń Almaty qalasy Túrksib aýdandyq sotynyń sheshimine túsirgen appelıatsııalyq shaǵymyn qaraý aıaqtaldy. Tasymaldaýshy moraldyq shyǵyndy 5 mln teńgeden 1,5 mln teńgege tómendetýdi suraǵan edi. 

Almaty qalalyq sotynyń sot alqasy shaǵymdy qanaǵattandyrýdan bas tartyp, sheshimdi óz kúshinde qaldyrdy. Bul balanyń anasy alǵashqy sot úkim etkendeı 5 mln teńge moraldyq shyǵyn alady degen sóz, - delingen avvokattyń Telegram arnasyndaǵy habarlamasynda.

Qorǵaýshy osy bir daýly istiń núktesi qoıylyp, onda jeńip shyqqandaryna qýanyshty ekenin jetkizgen. 

— Sot qaýlysy zańdy kúshine endi. Bul keıs aldaǵy ýaqytta jaqsy úlgi bolatyny sózsiz, - dep túıgen sózin Danılhan Shaǵataev. 

Eske sala keteıik, byltyr shilde aıynda FlyArystan áýe kompanııasy ata-anasy senip tapsyrǵan tulǵamen birge Nıý-Iork qalasynan ushyp kelip, artynsha Oralǵa ushýy tıis qyz balany Astana áýejaıynda qaldyryp ketkenin jazǵan bolatynbyz.

Keıin FlyArystan basshysy Oralda egizderdiń anasy Jazıra Mýsınamen kezdesti.

Osy jaǵdaıdan soń FlyArystan kompanııasy jaýapqa tartyldy.

Aıta keteıik, FlyArystan — Air Astana-nyń enshiles kompanııasy.