Qytaılyq jankúıerler Lıonel Messıge ókpelep qaldy
Amerıkalyq Inter Maıamı komandasy ótken aptada Gonkongke kelip, turǵyndardyń ystyq yqylasyna bólendi. Bul negizinen ataqty juldyz Messıdiń osy komandanyń múshesi bolýymen baılanysty. Kóptegen jankúıerler Messıdi alańda tamashalaýdy asyǵa kútedi, sondyqtan oıyn bıletteri erte satylyp ketti.
Oıynnyń bıletteri ótken jyldyń jeltoqsan aıynda satyla bastady, baǵasy 880 Gonkong dollarynan 4880 Gonkong dollaryna deıin (shamamen 113 AQSh dollardan 624 AQSh dollaryna deıin) boldy.
Jeksenbi kúni ótken «Inter Maıamı» men Gonkong arasyndaǵy joldastyq kezdesýdi barlyǵy 40 000 jankúıer tamashalady. Jankúıerlerdiń basym kópshiligi bul jerge Messıdi óz kózderimen kórý úshin kelgen. Alaıda Messı oıyndy tolyq ótkizgen joq. Sportshy paltosyn sheshpeı, búkil ýaqyt boıy shette otyrdy jáne oınaýǵa nıeti bolmady.
Jelide taraǵan vıdeoda, oıynnan keıingi marapattaý rásimi kezinde Messıdiń marapattardy tapsyryp jatqan Gonkong úkimetiniń sheneýnikterinen ádeıi jaltaryp, bul sheneýniktermen qol alysýdan nemese sóılesýden bas tartqanyn kórsetti.
Messı tipti matchtan keıingi fotosessııa kezinde kameraǵa túspeý úshin oıynshynyń artyna ádeıi jasyrynyp qalǵan.
Keıinirek Inter Maıamı bapkeri Messıdiń «jaraqatqa baılanysty» oınaı almaıtynyn aıtty.
Messıdiń ózi eshqandaı túsinikteme bermedi jáne oıynnan keıin jankúıerlermen kezdesý ótkizý týraly usynysty qabyldamady.
Messıdiń bul áreketi qytaılyq jankúıerlerdiń ashýyn týdyrdy. Kóptegen jankúıerler oıyn alańynan shyǵyp bara jatyp «Ótirikshi» dep aıqaılap, bıletteriniń qunyn qaıtarýdy talap etti.
Qytaıdyń Gonkong qalasyndaǵy BAQ-tyń habarlaýynsha, 5-i kúni túske deıin Messı alańǵa shyqpaǵany týraly 38 shaǵym túsken, onyń 29-y jergilikti tutynýshylardan jáne 9-y sheteldik týrısterden, qaıtarý suraýdyń jalpy somasy 210 myńnan astam Gonkong dollaryna taıaý.
Joldastyq kezdesýge qomaqty qarjylaı demeýshilik kórsetken Gonkong úkimeti de óz narazylyǵyn bildirdi. Gonkong úkimeti, sondaı-aq, keıbir demeýshilik qarajatty qaıtaryp alý múmkindigin qarastyratynyn habarlady.
Onyń Qytaıdaǵy áreketinen kúrt aıyrmashylyǵy, Japonııaǵa kelgennen keıingi Messıdiń kózqarasy boldy. Jergilikti ýaqytpen 5-i kúni keshke Japonııanyń Tokıo qalasyna kelgen Messı áýejaıda ózin qarsy alǵan japon jankúıerlerin kúlimdep, qol bulǵady.
Sol kúni Messı match aldyndaǵy baspasóz máslıhatyna qatysyp, «Men Tokıoǵa osy oıynǵa qatysý úshin kelgenime óte qýanyshtymyn», - dedi.
Shart boıynsha Inter Maıamı 7 aqpanda J-Lıganyń Vıssel Kobe komandasymen oınaıdy.