Qytaılyq kompanııa Shymkentte kólik zaýytyn salýǵa nıetti

<p>ShYMKENT. KAZINFORM - Qytaılyq &laquo;Shaanxi Jingzhao carspan&raquo; kompanııasy Shymkentte kólik zaýytyn salýǵa nıet bildirip otyr. Bul týraly qala ákiminiń orynbasary Aıdyn Kárimov&nbsp; Shymkent qalasy delegatsııasynyń Qytaı Halyq Respýblıkasynyń Sıan jáne Úrimshi qalalaryna jasaǵan sapary qorytyndysyna arnalǵan baspasóz konferentsııasynda aıtty.</p>

24-26 maýsym aralyǵynda Shymkent pen Sıan qalalary arasyndaǵy baýyrlas qarym-qatynas ornatýdyń bir jyldyq mereıtoıyna baılanysty Qazaqstannyń Sıan qalasyndaǵy Bas konsýldyǵynyń qoldaýymen Shymkent qalasynyń ákimi bastaǵan resmı jáne isker delegatsııasynyń eki kúndik is-sapary ótti. Delegatsııa músheleri Sıandaǵy alǵashqy ulttyq taǵamdar jobasy «Jeti tandyr» meıramhanasynyń irgetasyn qalaý rásimine qatysty. Nysan 2 aıda iske qosylady degen jospar bar. Keıin Shymkent pen Sıan qalalary kásipkerleriniń saýda-ekonomıkalyq forýmy ótti. Onda qytaılyq jergilikti 30-dan astam jáne qazaqstandyq 20-dan astam kásipker arasynda densaýlyq saqtaý, IT, metallýrgııa, qoǵamdyq tamaqtaný, bilim, aýyl sharýashylyǵy, elektr jabdyqtarynyń jáne qurylys materıaldarynyń óndirisi sııaqty salalarǵa qatysty kezdesý ótkizildi.

Sondaı-aq forým aıasynda Shymkent ónimderin Qytaı tutynýshylarymen keń kólemde tanystyrý úshin úlken jármeńke uıymdastyryldy. Onda Shymkentte shyǵarylatyn ónimder usynyldy. Odan bólek Shymkent ákimi Qytaıdyń 6 iri kompanııasy ókilderimen kezdesý ótkizdi. Olardyń alǵashqysy - «Jiangsu Xiandai Lighting Group Co., Ltd» kompanııasy.

Bul kásiporynmen jaryqdıodty kóshe landshaft shamdary, kóshe shamdarynyń túrleri, sıgnaldyq baılanys pen elektr tirekteri, baqylaý tirekteri, jol qaýipsizdigi quraldary jáne elektromehanıkalyq jabdyq, kóp fýnktsııaly kóshe shamdary, qalalyq keshendi jabdyq, kún fotoelektrlik panelderi óndirisi boıynsha jobany talqylady.

«Ekinshi kompanııa - Shaanxi Jingzhao carspan. Avtomobıl óndirisinen bastap, oǵan servıstik qyzmet kórsetýge deıingi tolyq tsıkldy avtomobıl qurastyrý zaýytyn qurý jobasy talqylandy. Qytaılyq bul kompanııaǵa Qazaqstan – úlken naryq. Qyzyǵýshylyq tanytyp otyr. Endi sózderine qaraǵanda naqty iske kóshetin oıy bar. Sondyqtan qala ákimi olardy Shymkentke kelip, óndiristik alańdarymen, basqa da jalpy qalanyń tynys-tirshiligimen tanysý úshin arnaıy shaqyrdy. Jaqyn arada kelýin kútemiz. Kelissózder odan ári jalǵasady. Ózderińiz bilesizder, qazir qalamyzda, jalpy elimizde Qytaı avtomobılderi, onyń ishinde elektroavtomobılder keńinen damyp keledi. Sondyqtan servısten bastap ony jınaqtaý zaýyty búgingi kúnde óte ózekti», - dedi Shymkent ákiminiń orynbasary.

Sonymen qatar Qazaqstan men Qytaı kásiporyndary arasyndaǵy yntymaqtastyq pen almasýǵa yqpal etetin uıym bolyp sanalatyn «Qazaqstan – Qytaı kásiporyndar alıansymen» yntymaqtastyq platformasyn qurý, iskerlik saparlardy uıymdastyrý jáne saýda - ekonomıkalyq forýmdar ótkizý arqyly eki el ekonomıkasynyń órkendeýi men damý máseleleri talqylandy. Al «Xian Typical Elevator Co., Ltd.» kompanııasymen lıft óndirisi boıynsha zaýyt salý jobasy, «Shaanxi Foreign Trade Import and export Group Co., Ltd.» kompanııasymen kóterme saýdany, tehnologııalar men azyq-túlik ımportyn jáne eksportyn, qoıma, kólik qyzmetterin, jetkizý tizbegin basqarý qyzmetterin, halyqaralyq konteınerlik tasymaldardy ekspedıtsııalaý boıynsha ekijaqty yntymaqtastyq múmkindikteri aıtyldy.

«China Communications Construction Company Limited (CCCC) Tianjin Dredging Co., Ltd.» kompanııasymen porttar men sý joldaryn tereńdetý, jerdi melıoratsııalaý, gıdrotehnıkalyq qurylystar men irgetastardy jobalaý, izdestirý, jobalaý, keńes berý jáne ekologııalyq tereńdetý, sondaı-aq jabdyqtar óndirisine, ınvestıtsııalarǵa, jyljymaıtyn múlikti damytý, halyqaralyq tasymaldar, tranzıttik saqtaý boıynsha ekijaqty yntymaqtastyq múmkindikteri talqylandy.

Aıdyn Kárimovtiń aıtýynsha, forým jáne ekijaqty kezdesý nátıjesinde jalpy quny 17,6 mln AQSh dollary bolatyn kelisimder jasalyp, qujattarǵa qol qoıyldy. Atap aıtqanda:

- «Invest Shymkent» JShS jáne «China-Kazakhstan Enterprises Alliance Committee group» arasynda ózara túsinistik týraly memorandým;

- «KazFerroGroup» JShS jáne «Shanxi Heynan New Metallurgical Electric Equipment Co. LTP» kompanııasy arasynda Ferroqorytpa peshin satyp alý týraly kelisim (16,3 mln AQSh doll.);

- «JT Food Expert» jáne «Xi'an Gang Tong Tian Xia Dian Zi Shang Wu You Xian Gong Si» kompanııalary arasynda tamaqtaný salasynda birlesken kásiporyn qurý týraly kelisim;

- «KazBioTech» JShS jáne «Alashankou city Haoyu Trading Co. Ltd» arasyndaǵy ósimdik maıyn satý týraly kelisim (1,3 mln AQSh doll.).

Aıta keteıik, bıyl kúzde Shymkent qalasynda eki qalanyń bıznes qaýymdastyǵy ókilderiniń qatysýymen aýqymdy forým ótkizý josparlanyp otyr.