Qytaılyq kompanııa Aqtaý jáne Quryq porttarynda konteınerlik hab salýǵa qyzyǵýshylyq tanytyp otyr
12:30, 06 Jeltoqsan 2023
<p>Kólik vıtse-mınıstri Talǵat Lastaev China Railway Engineering qurylys korporatsııasynyń quramyna kiretin kólik ınfraqurylymy salasyndaǵy 5 iri qytaı kompanııasynyń ókilderimen kezdesti, dep habarlaıdy QR Kólik mınıstrliginiń baspasóz qyzmeti. </p>
Kezdesý barysynda China Railway Group Ltd jáne China Shipbuilding Industry Corporation kompanııalarynyń temirjol salasyndaǵy jobalardy iske asyrýǵa, avtojoldar men port ınfraqurylymyn qaıta qurýǵa qatysý máseleleri talqylandy.
Sonymen qatar atalǵan qytaılyq kompanııa ókilderi qoldanystaǵy temirjol jelilerin jańǵyrtý jáne jańa temirjol jelilerin salý jónindegi jobalarǵa, al China Shipbuilding Industry Corporation Aqtaý jáne Quryq porttarynda konteınerlik hab salýǵa qatysýǵa qyzyǵýshylyq tanytty.
Óz kezeginde mınıstrlik ókilderi kólik salasyndaǵy kompanııalardyń tarapynanqyzyǵýshylyq týdyratyn jobalar boıynsha tolyq aqparat berdi. Kezdesýdiń qorytyndysy boıynsha taraptar yntymaqtastyqty odan ári damytýdyń mańyzdylyǵyn atap ótti.