Qytaılyq qazaq boksshysy Toqtarbek Tańatqan Olımpıadada jeńilip qaldy

<p>PARIJ. KAZINFORM &ndash; Frantsııa astanasy Parıj qalasynda ótip jatqan Olımpıada oıyndarynda bokstan synǵa túsken qytaılyq qandasymyz Toqtarbek Tańatqan qarsylasynan utylyp qaldy. &nbsp;</p>

Ol 1/16 fınalda domınıkalyq boksshy Krıstıan Pınalespen judyryqtasyp, 5:0 esebimen qarsylasyna ese jiberdi. Úsh raýnd qorytyndysy boıynsha tóreshiler Krıstıan Pınalesti jeńimpaz dep tapty.

Aıta ketsek, Qytaıdaǵy qazaq boksshysynyń salmaǵynda Qazaqstan namysyn Nurbek Oralbaı qorǵaıdy.

Osyǵan deıin kóptegen jankúıerler eki qazaq boksshysy Parıj olımpıadasynda joly túıisýi múmkin dep topshylaǵan bolatyn. Bul Toqtarbektiń sporttyq mánsabyndaǵy ekinshi olımpıadasy. Ol osyǵan deıin Tokıo tórinde de synǵa túsken edi.