Qytaılyq qazaq boksshy «Elorda kýbogynyń» jartylaı fınalyna shyqty

<p>ASTANA. KAZINFORM &ndash; Bokstan Astana qalasynda ótip jatqan &laquo;Elorda kýbogy&raquo; básekesinde Qytaı atynan óner kórsetetin qandasymyz Toqtarbek Tańathan jartylaı fınalǵa shyqty.</p>

Naqtyraq aıtsaq, shırek fınalda Toqtarbek úndistandyq Sanjaı Sanjaımen judyryqtasyp, aıqyn basymdylyqpen qarsylasyn jarys jolynan shyǵardy. Osylaısha, Toqtarbek týrnırdiń jartylaı fınalyna shyqty.

Esterińizge sala keteıik, Tańathan 2023 jyly Tashkentte ótken álem chempıonatynyń kúmis júldegeri atansa, Hanchjoýdaǵy Azııa oıyndarynda chempıondyq ataqqa qol jetkizip qana qoımaı, Parıj olımpıadasynyń joldamasyn qosa jeńip alǵan bolatyn. Sonymen qatar, osy jyly kishi álem birinshiligi sanalatyn «Strandja kýbogynda» taǵy da jeńis tuǵyrynyń eń bıik satysynan kóringen edi.

Aıta keteıik, Toqtarbek Tańathan qytaıdaǵy qazaqtar kóp qonystanǵan Altaı aımaǵynyń týmasy.Ol 1996 jyly 18 qarashada qarapaıym otbasynda dúnıege kelgen. Qytaıdyń Ulttyq quramasyna 2017 jyly qabyldanǵan. Tokıo Olımpıadasynyń qatysýshysy. Tokıo Olımpıadasyna deıin qandasymyz «Qytaıdyń boks koroli» ataǵyn 2017, 2019, 2020 jáne 2021 jyldary tórt ret jeńip aldy. Bul – Qytaıdyń ózi ishinde ǵana ótetin eń bedeldi jarystardyń biri.