Qytaılyq qandasymyz tórt qurlyq chempıonatynda top jardy

<p>ASTANA. KAZINFORM &mdash; Qytaılyq qandasymyz Aqnar Adaq konkımen júgirýden Hatınohe qalasynda (Japonııa) ótken tórt qurlyq chempıonatynda altyn medal jeńip aldy.</p>

Sınhýa agenttiginiń habarlaýynsha, Áıelder arasyndaǵy komandalyq júgirý básekesinde Qytaı quramasy 3 mınýt 2.20 sekýnd nátıjemen top jardy. Osylaısha, Aqnar Adaq tórt qurlyq chempıonatynnyń chempıony atandy.

Foto: Sınhýa

Aıta keteıik, Konkıshi Aqnar Adaq - Shynjań ólkesi, Qutybı aýdanynda dúnıege kelgen. Buǵan deıin 2019 jylǵy Qytaı birinshiliginiń 5000 metrlik jarysynda — «altyn», 3000 metrde — kúmis medal alǵan. Halyqaralyq jarystarǵa da qatysyp, júldegerler qatarynan kórinip júr. 2016 jyly Qytaıdyń ulttyq quramasyna qabyldanǵan.

Buǵan deıin habarlaǵanymyzdaı, Aqnar Adaq Beıjińdegi XXIV qysqy Olımpıada oıyndarynda Qytaı quramasy sapynda óner kórsetken bolatyn.