Qytaıdyń jalpy ishki ónimi úsh toqsanda 4,8%-ǵa ósti

<p>BEIJІŃ. KAZINFORM &ndash; 2024 jyldyń qańtar-qyrkúıek aılarynda Qytaıdyń jalpy ishki ónimi 94,97 trln ıýanǵa (shamamen 13,33 trln dollar) jetti. Buǵan Qytaı Halyq Respýblıkasynyń Memlekettik statıstıkalyq basqarmasy ókilderiniń brıfıngte bergen málimetteri dálel.&nbsp;</p>

Statıstıkalyq málimetterge sáıkes, aǵymdaǵy jyldyń qańtar-qyrkúıek aılarynda Qytaıdyń JІÓ 4,8%-ǵa ósti.

2024 jyldyń alǵashqy úsh toqsanynda Qytaı qalalaryndaǵy jumyssyzdyq deńgeıi 5,1%-dy qurady.

Bıylǵy jyldyń alǵashqy úsh toqsanynda Qytaıda qyzmet kórsetý salasyndaǵy qosymsha qun 4,7%-ǵa ósti.

Eske sala ketsek, 2023 jyly Qytaıdyń JІÓ 5,2%-ǵa ósti, al 2024 jylǵa arnalǵan maqsatty ekonomıkalyq ósý qarqyny shamamen 5% deńgeıinde belgilengen bolatyn.

Budan buryn habarlanǵandaı, 2024 jyldyń alǵashqy úsh toqsanynda Qytaıda ulttyq valıýtada (ıýan) berilgen nesıeler kólemi 16,02 trln ıýanǵa (shamamen 2,27 trl dollar) ósken.

Goldman Sachs Qytaıdyń 2024 jáne 2025 jyldarǵa arnalǵan ekonomıkalyq ósimine qatysty boljamyn eldegi ekonomıkalyq ósýdi arttyrýǵa baǵyttalǵan sońǵy sharalar negizinde kóterdi.