Qytaıdyń qorǵanys mınıstri sybaılas jemqorlyqqa qatysy bar degen kúdikke ilindi

<p>ASTANA. KAZINFORM &ndash; Qytaıdyń Qorǵanys mınıstri Dýn Tszıýnge qatysty sybaılas jemqorlyq aıyptary boıynsha tergeý bastaldy. Bul týraly <a href="https://report.az/ru/drugie-strany/ministra-oborony-kitaya-zapodozrili-v-korrupcii/" target="_blank" rel="noopener">The Financial Times</a> aqparat kózderine silteme jasap habarlady.</p>

– Qytaı bıligi sybaılas jemqorlyq shemalaryn ashýǵa baǵyttalǵan keńirek tergeýdiń bóligi retinde Halyq azattyq armııasynyń basshysy Dýn Tszıýnge qatysty tergeýdi bastady, – delingen habarlamada.

The Financial Times-tyń habarlaýynsha, bul Dýn Tszıýndy sybaılas jemqorlyqqa qatysy bar degen aıyppen tergelgen eldiń qatarynan úshinshi qorǵanys mınıstri etti. Ol bul qyzmetke 2023 jyldyń jeltoqsanynda burynǵy mınıstr sybaılas jemqorlyqqa qatysy bar degen aıyppen qyzmetinen bosatylǵannan keıin taǵaıyndalǵan.

Jańa kúdikter Qytaıda sońǵy jyldary júzege asyrylǵan sybaılas jemqorlyqqa qarsy kúrestiń tıimdiligine kúmán týdyryp otyr.

– El úkimeti jemqorlyqpen kúresti jalǵastyrýda, armııa men onyń basshylyǵynyń ımıdjin jaqsartýǵa umtylýda, – delingen habarlamada.

Aqparat úshin, Sı Tszınpın 2012 jyly Qytaı Halyq Respýblıkasynyń kóshbasshysy bolyp saılanǵaly beri elde jemqorlyqpen kúres aıtarlyqtaı kúsheıgen. Sońǵy jyldary keń aýqymdy sybaılas jemqorlyqqa qarsy naýqannyń arqasynda qatardaǵy memlekettik qyzmetkerler ǵana emes, joǵary laýazymdy tulǵalar da qyzmetterinen, tipti ómir boıyna bas bostandyǵynan aıyryldy.

Aıta keteıik, buǵan deıin Qytaı bankiniń burynǵy tóraǵasy ólim jazasyna kesilgenin habarlaǵan bolatynbyz.