Qytaıdyń birqatar aımaǵynda tótenshe jaǵdaı jarııalandy

<p>ASTANA. KAZINFORM&nbsp;&mdash; Qytaıdyń Tótenshe jaǵdaılar mınıstrligi seısenbi kúni Anhoı, Henan jáne Hýbeı provıntsııalaryndaǵy tómen temperatýra men qardyń mol túsýine baılanysty 4-shi deńgeıdegi tótenshe jaǵdaı rejımin iske qosty, dep habarlaıdy <a href="https://russian.news.cn/20240221/75d13e023762413a96502878d0b8c49c/c.html" target="_blank" rel="noopener">Sınhýa</a> aqparat agenttigi.&nbsp;</p>

Tabıǵı apattardyń aldyn alý, azaıtý jáne baqylaý jónindegi memlekettik komıtet apattyń aldyn alý jáne tótenshe jaǵdaılardy joıý jumystaryna kómektesý úshin úsh provıntsııaǵa jumys toptaryn jiberdi, dep habarlady mınıstrlik.

«Kóktem merekesinen keıin jolaýshylar tasymaly kóp bolatynyn eskere otyryp, birqatar aımaqtarǵa aıazdy jańbyr men qar jaýady dep kútilýde, tabıǵı apattardyń qaýpi salystyrmaly túrde joǵary», — dep habarlady vedomstvodan.

Mınıstrlik tıisti aýdandarda aýa raıynyń ózgerýine jiti nazar aýdarýdy, túrli vedomstvolar arasyndaǵy úılestirýdi kúsheıtýdi, tótenshe jaǵdaılardy joıý kúshterin kúsheıtýdi jáne tabıǵı apattardy joıýǵa aldyn ala daıyndalýdy talap etti. 

Ortalyq meteorologııalyq stantsııa sol kúni qarly boranǵa baılanysty sary eskertý jarııalady. Boljamǵa sáıkes, seısenbiden jumaǵa deıin eldiń keı aımaqtarynda jańbyr, burshaq jaýýy múmkin.