Qytaıdyń 5 JOO-sy otandastarymyzdy qazaq tilinde oqytyp jatyr

<p>ASTANA. KAZINFORM &ndash; Qytaıda 10 myńnan astam qazaqstandyq bilim alyp jatyr. Bul týraly Qytaı Halyq Respýblıkasynyń Syrtqy ister mınıstri Van I málim etti.&nbsp;</p>

«Qytaı Qazaqstannan joǵary sapaly aýyl sharýashylyǵy ónimderin ımporttaýǵa daıyn. Sondaı-aq, taraptar «Qytaı-Eýropa» poıyzdary salasyndaǵy yntymaqtastyqty nyǵaıta túspek. Sonymen qatar ekijaqty taýar almasý, ótkizý qabiletin arttyryp, neǵurlym qolaıly jaǵdaılar jasaýǵa sheshim qabyldandy», - dedi Van I Qazaqstanǵa sapary barysynda.

Qytaı mınıstriniń aıtýynsha, búginde atalǵan elde 10 myńnan astam qazaqstandyq stýdent bilim alýda.

«Qazaqstandyq stýdentter úshin Qytaıdyń bes joǵary oqý ornynda qazaq tilinde oqytý qoljetimdi. 2023 jylǵy qarashada eki el arasynda vızasyz rejım engizildi», - deıdi ol.

Aıta keteıik, búgin Qytaı Halyq Respýblıkasynyń Syrtqy ister mınıstri Van I Qazaqstanǵa resmı saparmen keldi.

Buǵan deıin elimizdiń Syrtqy ister mınıstri Murat Nurtileý «Qazaq-Qytaı» yqpaldastyǵy buryn-sońdy bolmaǵan belesterge shyqqanyn aıtqan edi.