«Qytaıdy jaqsy biletin Prezıdent» - QHR aqparat quraldary Qasym-Jomart Toqaev týraly
11:20, 17 Qazan 2023
<p>Qazaqstan Prezıdenti Qytaıǵa eki kúndik resmı saparmen bardy jáne Qytaıda ótetin 3-shi «Bir beldeý, bir jol» forýmyna qatysýdy josparlap otyr, dep habarlaıdy <a href="https://kaz.inform.kz/" target="_blank" rel="noopener">Kazinform. </a></p>
Qytaıdyń memlekettik aqparat quraldarynyń biri sanalatyn ChinaNews tilshisi Qazaqstan Prezıdentiniń sapary týraly tikeleı efırdegi reportajy barysynda Qasym-Jomart Toqaevty «Qytaı halqynyń jaqsy dosy» jáne «Qytaıdy jaqsy biletin sheteldik Prezıdent» dep atady.
Qytaılyq BAQ Qasym-Jomart Toqaevtyń Qytaıda oqyǵany, turǵany týraly aıta kele, qytaıdyń kóptegen dámdi taǵamy Qazaqstan Prezıdentine zor áser qaldyrǵanyn da eske aldy.
«Bul - Prezıdent Toqaevtyń Qytaıǵa bıylǵy ekinshi ret kelýi, - dep atap ótti ChinaNews tilshisi. - Qazaqstan Prezıdentiniń Qytaıǵa altyn kúzdegi osy saparynan eki jaqty qarym-qatynastyń damýy jańa kezeńge aıaq basýyn jáne «Bir beldeý, bir jol» bastamasyn qurýdaǵy birlesken kúsh-jigerine jańa serpin berýin kútemiz».