Qytaıdan Qazaqstanǵa veıp ákelgen Qyrǵyzstan azamaty sottaldy

<p>TALDYQORǴAN. KAZINFORM &mdash; Qyrǵyzstan Respýblıkasynyń azamatshasy Qytaı Halyq Respýblıkasynan el aýmaǵyna 50 dana elektrondy temekini alyp ótpek bolǵan. Panfılov aýdandyq soty zań buzǵan sheteldikke jaza taǵaıyndady.</p>

Panfılov aýdandyq soty jarııalaǵan málimetke súıensek Qyrǵyzstan azamaty elektrondy temekilerdi satyp alyp, basqa da zattarmen birge júkti qabyldaý pýnktine ótkizgen. 

Shekarada keden beketiniń qyzmetkerleri zańsyzdyqqa tosqaýyl bolǵan. Tekserý barysynda Qazaqstan shekarasynan alyp ótpek bolǵan 50 dana veıp anyqtalǵan.

Shetel azamatynyń óz kinási moıyndaýynan bólek, kýágerlerdiń aıǵaqtary jáne sarapshynyń qorytyndysy arqyly tolyǵymen dáleldendi, oǵan sáıkes bul zattar bir rettik qoldanýǵa arnalǵan elektrondy qurylǵy dep tanylǵan. 

Taýar úlgileriniń quramynda nıkotın bar, biraq temekiniń ósimdik bólshekteri joq delingen habarlamada.

Zań boıynsha jasalǵan qylmys úshin 2 jylǵa deıin bas bostandyǵynan aıyrýǵa deıingi balama jaza qarastyrylǵan.

Alaıda aýdandyq sot qylmystyq jaýapkershilikti jeńildetetin jaǵdaılardy eskere otyryp — sheteldik azamatshanyń kinásin moıyndaýy, sottylyǵynyń bolmaýy, kámeletke tolmaǵan balalarynyń bar bolýy jáne aıyptalýshynyń jumyssyzdyǵy men aýyr materıaldyq jaǵdaıyn nazarǵa alyp, oǵan QR QK 55-baby sheginde qaýipsizdigi mınımaldy qylmystyq-atqarý mekemesinde 6 aı merzimge bas bostandyǵynan aıyrý jazasyn taǵaıyndady.

Sondaı-aq bir rettik elektrondy temekini joıý jóninde sheshim shyǵaryldy. 

Úkim zańdy kúshine engen joq.

Eske salaıyq buǵan deıin Jetisý oblysynda sıntetıkalyq esirtki saýdalaǵan azamattyń 7 jylǵa sottalǵanyn jazǵanbyz.