Qytaıdan Qazaqstanǵa týrıstik poıyz qatynaı bastaıdy
«Bul másele pysyqtalyp jatyr. Jyl basynda Qytaıdaǵy áriptesterimizge habarlastyq, ázirge jaýap joq, biraq olar bul múmkin dep otyr. Sondaı-aq, Qytaıdyń týrıstik agenttigi „Sıan — Almaty“ baǵytynda poıyz qatynasyn uıymdastyrýǵa qyzyǵýshylyq tanytyp, maýsym aıyna josparlaýda. Aıta ketetin jaıt, bul — týrıstik poıyz, uıymdastyrý jaǵyn Qytaı tolyǵymen óz moınyna alady. Poıyzǵa, jolserikter men jolaýshylarǵa tolyǵymen ózderi jaýapty. Joba iske qosylǵannan keıin óz tarapymyzdan poıyz baǵyttaryn iske qosýǵa qatysty kelissóz júrgizemiz», — dedi Jánibek Taıjanov vedomstvoda ótken baspasóz máslıhatynda.
Sondaı-aq, basqarma basshysy buryn Almaty men Úrimshi arasynda poıyz júrgenin aıtty.
«Koronavırýs etek jaıǵanda Qytaı tarapy poıyz qatynasyn japty, sodan beri poıyz júrmeıdi. Búginde elimizden halyqaralyq poıyzdar Reseı men Ózbekstanǵa barady. Aıta ketsem, jyl aıaǵynda nemese kelesi jyldyń basynda „Qaraǵandy-Máskeý“ reısin qaıta jandandyrýǵa kelistik, al qazir Qaraǵandydan Samaraǵa tikeleı poıyz júredi», — deıdi ol.
Buǵan deıin elimizde poıyzda qandaı zańbuzýshylyqtarǵa jıi bolatynyn habarlaǵan edik.
Brıfıng barysynda Ulttyq vagon parki 700 zamanaýı vagonmen tolyǵatyny aıtyldy.
Aıta keteıik, elimizde áıelderge arnalǵan poıyzdar sany artady.