Qytaıdan Ertis arqyly qatynaıtyn kemelerdiń porty salynady

<p>Shyǵys Qazaqstan oblysynyń Tarbaǵataı aýdanynda Qytaıdan Ertis arqyly qatynaıtyn kemelerdiń porty salynady, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Bul týraly Kólik mınıstri Marat Qarabaev Úkimet otyrysynda málim etti.

«Ertis transshekaralyq ózeniniń tranzıttik potentsıalyn keńeıtý jobasy bar. Bul elimiz arqyly Reseı men Qytaı elderi arasynda jańa kólik baǵdaryn ashýǵa múmkindik beredi. Atalǵan baǵytty damytý maqsatynda Semeı qalasynyń mańaıynda jańa keme júrý shlıýzynyń qurylysy qarastyrylatyn bolady», - dedi Marat Qarabaev.

Sondaı-aq ol Maıqapshaǵaı keden beketine temirjol tartylatynyn aıtty.

«Tuǵyl aýylynyń aýmaǵynda port jáne Qytaı shekarasyna deıin Tuǵyl-Maıqapshaǵaı ýchaskesinde uzyndyǵy 99 shaqyrym temir jol jelisi salynady. Tasymaldyń qosymsha boljamdy kólemi – 2 - 2,5 mln tonna», - dedi mınıstr.