Qytaıda zilzala qurbandarynyń sany 144-ke jetti

<p>Qytaıdyń soltústik-batysynda bolǵan jer silkinisinen qaza tapqandar sany 144 adamǵa jetti. Bul týraly Qytaıdyń Ortalyq telearnasy málim etti. <a href="https://kaz.inform.kz/" target="_blank" rel="noopener">Kazinform </a>bul týraly<a href="https://tass.ru/proisshestviya/19606743" target="_blank" rel="noopener"> TASS</a>-qa silteme jasap habarlaıdy.&nbsp;</p>

Jańarǵan derekter boıynsha 113 adam Gansý provıntsııasynda, al 31 turǵyn Tsınhaı provıntsııasynda mert bolǵan. Úsh adam áli de iz-túzsiz joǵalǵandar qatarynda.

Dúısenbi kúni keshke Gansý provıntsııasynyń Tszıshıshan ýezinde magnıtýdasy 6,2-ge deıin jetken jer silkinisi tirkelgenin habarlaǵan bolatynbyz.

Іzdeý-qutqarý jumystary kúrdeli meteorologııalyq jáne geografııalyq jaǵdaılarǵa baılanysty qıyndaǵan. Jer silkinisi bolǵan kezde túnde aýa temperatýrasy -15 gradýsqa deıin tómendedi.

Magnıtýdasy 6,2-ge deıin jetken jerasty dúmpýleri Gansý provıntsııasynyń Tszıshıshan-Baoan-Dýnsıan-Salar avtonomııalyq okrýginde tirkeldi. Oshaǵy 10 km tereńdikte bolǵan.