Qytaıdaǵy jer silkinisinen qaza tapqandar sany 53-ke jetti

<p>ASTANA. KAZINFORM &mdash; Sıtszan avtonomııalyq aýdany (Qytaıdyń ońtústik-batysy) Shıgatsze qalasyndaǵy Dınjı ýezinde magnıtýdasy 6,8 baldyq jer silkinisi boldy, dep habarlaıdy <a href="https://russian.news.cn/20250107/949008b628f74de78a8c565224569f44/c.html" target="_blank" rel="noopener">Sınhýa.</a></p>

Jer silkinisiniń saldaryn joıý jónindegi jergilikti shtabtyń habarlaýynsha, seısenbi kúni saǵat 12:30–daǵy jaǵdaı boıynsha 52 adam qaza taýyp, taǵy 62 adam ártúrli dárejede jaraqat alǵan.

Qytaıdyń seısmologııalyq jeli ortalyǵynyń málimetinshe, jer silkinisiniń oshaǵy soltústik endiktiń 28,50 gradýsy men shyǵys boılyqtyń 87,45 gradýsynyń koordınatasynda ornalasqan. Gıpotsentr 10 km tereńdikte jatqan.

Zardap shekkender týraly seısenbi kúni Beıjiń ýaqyty boıynsha saǵat 09:05–te Sıtszan avtonomııalyq aýdany (Ońtústik-Batys Qytaı) Shıgatsze qalasyndaǵy Dınjı okrýginde habarlandy.

Chanso eldi mekeninde ornalasqan Tońlaı aýylynda da úıler opyryldy.

Dınjı okrýginiń basshysy Sınhýa agenttigine bergen suhbatynda jer silkinisiniń búkil okrýgte sezilgenin aıtty.

Buǵan deıin AQSh-tyń Geologııalyq qyzmeti 7,1 baldyq jer silkinisi bolǵanyn habarlaǵan bolatyn. Jerasty dúmpýleri Nepal astanasy Katmandýda da sezildi.