Qytaıdaǵy jarylystan bir adam qaza taýyp, 22 adam jaralandy

<p><a href="https://news.cctv.com/2024/03/13/ARTIShmoMQBLu3bsT0cYZkT3240313.shtml" target="_blank" rel="noopener">news.cctv.com</a> saıtynyń habarlaýynsha, sársenbi kúni (13 naýryz) Qytaıdyń Hebeı provıntsııasynyń ıAntszıao qalasyndaǵy meıramhanada jarylys bolyp, nátıjesinde bir adam qaza taýyp, 22 adam jaraqat alǵan.</p>

Oqıǵa ornynan túsirilgen fotolar men beınejazbalar jarylys saldarynan keltirilgen zalaldyń aıtarlyqtaı aýyr ekenin, aınalasyndaǵy kóptegen ǵımarattyń zaqymdalǵanyn jáne kólikterdiń qıraǵanyn kórsetti.

Jergilikti úkimet taratqan aldyn ala tergeý jarylys jergilikti ýaqyt boıynsha 7:54-te bolǵanyn kórsetti. Jarylysqa meıramhanadaǵy gazdyń aǵýy sebep bolýy múmkin. 

Foto: Vıdeodan kadr

Málimetterge sáıkes, ázirge jarylys saldarynan bir adam qaza taýyp, taǵy 22 adam jaraqat alǵan.

Resmı derekkózder apat ornynda tótenshe jaǵdaı qyzmetkerleri qutqarý jáne tazalaý jumystaryn júrgizip jatqanyn da atap ótti.