Qytaıdaǵy taıfýn: apat aımaǵynda 628 myń adam bolǵan

<p>ASTANA. KAZINFORM &mdash; Qytaı ortalyq telearnasy Qytaı shyǵysyndaǵy Fýtszıan provıntsııasynyń jaǵalaýyna bir kún buryn jetip, keıin tropıkalyq daýylǵa aınalǵan &laquo;Gaemı&raquo; taıfýny eldiń ishki jaǵyna qaraı jyljyp kele jatqanyn, apat aımaǵynda 628 myńnan astam adam qalyp qoıǵanyn habarlady, dep jazady <a href="https://tass.ru/" target="_blank" rel="noopener">TASS</a>.</p>

«Gaemı» taıfýny Fýtszıan provıntsııasy mańyndaǵy Qytaıdyń materıktik jaǵalaýyna soqty.

Provıntsııa bıligi qaýipti aımaqtan 150 myń turǵyndy aldyn ala evakýatsııalady.

25 shilde kúni keshke taıfýn Pýtıan qalalyq okrýginiń jaǵalaý aımaǵyna soǵyp, soltústik-batys baǵytta 20 km/saǵ jyldamdyqpen júrip ótti. Tsıklonnyń ortalyq bóligindegi jeldiń jyldamdyǵy 28 m/s jetti.

Buǵan deıin Fýtszıan teńiz isteri basqarmasy jaǵalaýǵa qosymsha úsh qutqarý tikushaǵy men úsh qutqarý kemesin, sondaı-aq tótenshe jaǵdaılarǵa jaýap berýge daıyn 49 patrýldik qaıyq pen 100-den astam súıretpe jibergeni habarlandy.

Sársenbige qaraǵan túni taıfýn Taıvannyń shyǵys jaǵalaýyna Ilan okrýginiń mańyna keldi. Resmı málimetterge sáıkes, 5 adam taıfýn soqqysynyń qurbany boldy, taǵy 500-den astamy belgili bir dárejede zardap shekti.