Qytaıdaǵy shabandoz qazaq qyzy óz armanyn aıtty

<p>ASTANA. KAZINFORM - &nbsp;Qytaıdyń Іle aımaǵynan shyqqan shabandoz qyz Múnıra Serikturdyqyzy &laquo;Aqjelken&raquo; atty saıgúligine minip ártúrli at ústi oıyndaryn kórsetkende kópshilikti tańǵaldyrmaı qoımaıdy, dep jazady Qytaıdyń <a href="https://mp.weixin.qq.com/s/1RZa7lxcOF4kAh-fkK1xbA?fbclid=IwAR0fStKow-xuhqohigmm-DYD0kR1gEtnx9qHJSHcxybn9tpchJgSgEs0450" target="_blank" rel="noopener">&laquo;Harajorga&raquo;</a> aqparattyq paraqshasy.</p>

Atalǵan BAQ-tyń habarlaýynsha, Qytaıdyń Іle aımaǵynda týǵan Múnıra kishkentaıynan jylqy janýaryn ózine serik etip, keń jaılaýda at qulaǵynda oınap ósken. Atyna mingende bólekshe obrazǵa kirip, ertegilerdegi batyr qyzdardaı aıbatty kórinetin shabandoz Múnıra qarapaıym ómirde óte uıań da bııazy qyz eken.

Foto: vıdeodan kadr/mp.weixin.qq.com

Qazir Shyńjań baıyrǵy ekologııalyq parkindegi shabandoz ári at bapkeri bolyp júrgen qyz jalǵyz osy Múnıra ǵana. Ol tilshige bergen suhbatynda at sportyn qatty unatatynyn aıtqan.

«Ol kúndelikti «Aqjelkenine» minip ártúrli at ústi oıyndaryn qoıyp, kópshiliktiń kóńilinen shyqqandy maqtanysh sezinedi. M.Serikturdyqyzy qoly bosaı qalǵan sátte «Aqjelkenin» jetelep serýendegendi unatady. Onyń armany kóptegen at sporty oıyndaryna qatynasyp, úlken sahnalardan kóriný ári jankúıerlerine Shyńjańdyq sáıgúlikterdi baptap minetin shabandoz qyzdardyń kásibıligin moıyndatý», - dep jazady qytaılyq BAQ.