Qytaıdaǵy Qazaqstan týrızmi jyly: Beıjińde qazaq úıler tigildi

<p>BEIJІŃ. KAZINFORM &ndash; Qytaıdaǵy Qazaqstan týrızmi jylynyń resmı ashylý saltanatyna oraı qazaqstandyq ártister men shyǵarmashylyq ujymdar Beıjiń qonaqtary men turǵyndary úshin aýqymdy merekelik baǵdarlamaǵa daıyndalyp jatyr.</p>

Kontsert ótetin Beıjińdegi China National Opera House teatyrynyń aldyna qazaqy kıizúıler tigilip, ulttyq buıymdarymyzdyń shaǵyn kórmesi ótpek. 

Foto: Kúnsultan Otarbaı/Kazinform

Atalǵan is-sharada Qazaqstannyń halyq ártisi Roza Rymbaeva, QR eńbek sińirgen ártisi Maıra Muhamedqyzy, opera ánshisi Zarına Altynbaeva, «Ulytaý» etno-rok toby, Abaı atyndaǵy QazUOBT hor ujymy, «Serper» jáne «Sazgen sazy» ansamblderiniń shyǵarmashylyq ujymdary, «Astana Balet» balet trýppasy bastaǵan 150-ge jýyq ónerpaz óz ónerin ortaǵa salady. 

Foto: Kúnsultan Otarbaı/Kazinform

Kontsert 29 naýryzda Beıjińdegi China National Opera House sahnasynda Qytaıdaǵy qazaqstandyq týrızm jylynyń ashylý saltanaty aıasynda ótedi.

Foto: Kúnsultan Otarbaı/Kazinform

Sonymen qatar Qytaıdaǵy Qazaqstan týrızmi jylynyń ashylýy aıasynda 30 naýryz kúni beıjińdik tanymal 798 art aımaǵynyń alańynda «Naýryz Fest» ótpek. 

Foto: Kúnsultan Otarbaı/Kazinform

Eske sala ketsek, aldaǵy 28-29 naýryz kúnderi Beıjińde Qytaıdaǵy Qazaqstan týrızmi jylynyń resmı ashylý saltanaty ótedi. Osyǵan oraı Qazaqstannan Beıjińge 600-ge jýyq arnaıy delegatsııa ushyp keldi.