Qytaıdaǵy qandasymyz Toqtarbek Tańatqan Strandja kýbogynyń chempıony atandy

<p>ASTANA. KAZINFORM &ndash; Bolgarııa astanasy Sofııa qalasynda ótip jatqan Strandja kýbogynda Qytaıda turatyn qandasymyz Toqtarbek Tańatqan chempıony atandy.</p>

Qandasymyz fınalda bolgarııalyq Krıstııan Nıkolovpen judyryqtasyp, qarsylasyn 4:1 esebimen jeńdi.

Osylaısha qazaq boksshysy 80 keli salmaqta Qytaı eline halyqaralyq týrnırdiń altyn medalin syılady.

Osy salmaqta qazaqstandyq boksshy Tursynbaı Qulahmet jartylaı fınalda Tańatqannan 3:2 esebimen utylyp, qola medal ıesi atanǵan bolatyn.

Tańatqan - jazǵy Azııa oıyndarynyń (2022) chempıony, sonymen qatar álem chempıonatynyń (2023) kúmis júldegeri. Tokıo Olımpıadasynyń qatysýshysy. «Qytaıdyń boks koroli» ataǵynyń 2017, 2019, 2020 jáne 2021 jyldarǵy tórt márte jeńimpazy.

Esterińizge sala keteıik, atalǵan týrnırde Qazaqstan quramasy 1 altyn, 1 kúmis, 1 qola mmedal jeńip aldy. Altyndy 67 kelige deıingi salmaqta el namysyn qorǵaǵan otandasymyz Dýlat Bekbaýov ıelendi.