Qytaıdaǵy qandasymyz qazaǵy joq qalaǵa ákim bolyp saılandy

<p>ASTANA. KAZINFORM &ndash; Qytaılyq qandasymyz Erbol Zyqanuly Gansý provıntsııasynyń Chjane qalasyna ákim bolyp saılandy, dep habarlaıdy Kazinform <a href=":%20%20https:/www.thepaper.cn/newsDetail_forward_29849507" target="_blank" rel="noopener">The Paper </a>basylymyna silteme jasap.&nbsp;</p>

Basylymnyń jazýynsha, Chjane qalalyq V Halyq ókilderi jınasynyń tórtinshi sessııasynyń kezekti otyrysynda E.Zyqanuly qalalyq ákimdiktiń basshysy qyzmetine biraýyzdan saılandy.

Qytaılyq basylym QHR ShUAR aýdıtorlyq basqarmasynyń jetekshisi qyzmetinde bolǵan E. Zyqanulynyń 2024 jyly qazan aıynda Chjane qalalyq partııa komıteti hatshysynyń orynbasary, qala ákiminiń mindetin atqarýshy bolyp taǵaıyndalǵanyn eske salady.

Ashyq derekkóz boıynsha, E.Zyqanuly 1973 jyly mamyrda Qytaıdyń Altaı óńirinde dúnıege kelgen, joǵary bilimdi. Buǵan deıin Býyrshyn aýdanynyń ákimi, Altaı aımaǵy ákimshilik basshysynyń orynbasary sekildi laýazymdy qyzmetter atqarǵan.

E.Zyqanuly – Qytaıdaǵy ulty qazaq memlekettik qyzmetkerlerdiń arasynda ShUAR aýmaǵynan tys jerde óńirlik mańyzy bar qalaǵa ákim bolyp saılanǵan alǵashqy tulǵa.

Chjane – Qytaıdyń Soltústik-batysyndaǵy Gansý provıntsııasyna qarasty jergilikti mańyzy bar qala. Jalpy jer aýdany 39 436,53 sharshy shaqyrym, turǵylyqty halyq sany 1,2 mln-ǵa jýyq, onyń 97 paıyzy etnıkalyq qytaılar. Qalaǵa táýeldi Sýnan saryuıǵyr avtonomııalyq aýdany Qytaıda ǵana kezdesetin túrkitildes saryuıǵyr halqynyń tarıhı mekeni sanalady. Sondaı-aq qala okrýginde dúngen, mońǵol, tıbet halyqtarynyń ókilderi turady.

Aıta keteıik, Qytaı AQSh-tyń 28 kompanııasyna shekteý qoıdy.