Qytaıda tornado kezinde bes adam qaıtys boldy

<p>ASTANA. KAZINFORM &ndash; Senbi kúni tústen keıin Qytaıdyń ońtústigindegi Gýandýn provıntsııasynyń ortalyǵy Gýanchjoý qalasynda bolǵan tornadodan bes adam qaza taýyp, 33 adam jaraqat aldy. Bul týraly <a href="https://russian.news.cn/20240428/ab786488616e408b94dfb80e81f717ef/c.html" target="_blank" rel="noopener">Sınhýa</a> aqparat agenttigi habarlaıdy.</p>

Jergilikti bıliktiń habarlaýynsha, tornado qalaǵa qaraıtyn Baııýn aýdanyndaǵy Chjýnlotan eldi mekeninde saǵat 15:00 shamasynda soqqan. Quıyn bolǵan jerden 2,8 shaqyrym jerde ornalasqan Lıantıan kentindegi meteostantsııa jeldiń maksımaldy ekpini 20,6 m/s bolǵanyn tirkedi.

Provıntsııalyq meteorologııalyq basqarmasynyń aldyn ala tergeýi tornadonyń qarqyndylyǵy qaýiptiliktiń 3-shi deńgeıinde (maksımaldy qaýiptilik - 5-shi deńgeı) bolǵanyn jáne shamamen bir shaqyrym qashyqtyqqa jyljyǵanyn anyqtady.

Apat aımaǵyndaǵy zardaptardy joıýǵa qalalyq tótenshe jaǵdaılar basqarmasynyń qutqarýshylary, meteorologııalyq, órt sóndirý, turǵyn úı qurylysy jáne medıtsınalyq qyzmetkerler, sondaı-aq jergilikti turǵyndar shuǵyl jumyldyryldy.

Saǵat 22:00-degi jaǵdaı boıynsha izdeý-qutqarý jumystary negizinen aıaqtaldy. Zardap shekkenderdiń barlyǵy aýrýhanaǵa jetkizildi.

Quzyrly organdardyń naqtylaýynsha, 141 óndiristik ǵımarat zaqymdanǵan, turǵyn úıler opyrylǵan joq.