Qytaıda nóser jaýyn saldarynan 11 adam qaza taýyp, 14-i iz-túzsiz joǵalyp ketti

<p>ASTANA. KAZINFORM &ndash;Soltústik-shyǵys Qytaıdyń Hýlýdao qalasynda (Lıaonın provıntsııasy) jaýǵan nóser jaýyn saldarynan 11 adam qaza taýyp, taǵy 14 adam iz-túzsiz joǵalyp ketti, dep jazady <a href="https://russian.news.cn/20240824/259a67ded0414583a609cd682ffc7d25/c.html" target="_blank" rel="noopener">Sınhýa</a>.</p>

Sondaı-aq nóser Hýlýdao qalasynda, ásirese qalanyń Tszıanchan jáne Sýıchjýn ýezderinde aýyr zardap ákeldi. Joldar, elektr jelileri, baılanys jelileri, turǵyn úıler men egistikterge qatty zaqym keldi.

Qazir zardap shekken aýdandarda joldar men baılanys jelileri kezeń-kezeńimen qalpyna keltirilip jatyr. Joǵalǵandardy izdeý jumystary jalǵasyp jatyr.

Aldyn ala statıstıkalyq málimetterge qaraǵanda, Hýlýdaodaǵy tabıǵı apattan 188 757 adam zardap shekti, shyǵyn kólemi 10,3 mıllıard ıýan (shamamen 1,44 mıllıard AQSh dollary) dep baǵalandy.

Sonymen qatar, 9 respýblıkalyq jáne oblystyq mańyzy bar jáne 210 aýylishilik joldardaǵy qozǵalys ártúrli dárejede buzylyp, 187 kópir qıraǵan.

Buǵan deıin Saýd Arabııasynda qatty jańbyr jaýyp, alapat sý tasqyny bolǵany habarlanǵan bolatyn.

Úndistanda jalǵasyp jatqan mýsson maýsymynda bolǵan jaýynnan 50 jyldyq úı qırap, 9 bala qaza tapty.