Qytaıda qýattalatyn elektr kólikteri kóp satylǵan

<p>ASTANA. KAZINFORM &ndash; 2024 jyldyń alǵashqy eki aıynda Qytaıda jańa qýat kózderimen jumys isteıtin eski kólikterdiń satylymy 154 myńnan astam birlikti qurady. Bul týraly Qytaı avtomobıl dılerleri qaýymdastyǵynyń (CADA) habarlamasynda aıtylǵan.</p>

«Eki aıdyń ishinde elde jańa qýat kózderimen jumys isteıtin eski kólikterdiń satylymy 154,2 myń danany qurady. Bul bir jyl burynǵy kórsetkishten 83,3%-ǵa artyq», - delingen CADA habarlamasynda.

Qaýymdastyqtyń málimetinshe, 2,89 mln-ǵa jýyq eski kólik satyldy, bul operatsııalar boıynsha jalpy soma 27,6 mlrd dollardy qurady. 

Qytaıdaǵy kólik ıeleriniń sany 340 mln-ǵa jetti. Bul kórsetkish boıynsha el álemde birinshi orynda tur. 

2024 jyldyń naýryz aıynda Qytaıdyń jańa elektr kólikterin shyǵaratyn iri óndirýshileriniń satylymy ósti. 

Qaýymdastyqtyń málimetinshe, 2023 jyldyń sońynda Qytaıdan avtomobıl eksportynyń jıyntyq quny 100 mlrd dollardan asty.