Qytaıda qyryqqulaqtyń jańa túri anyqtaldy

<p>ASTANA. KAZINFORM &ndash; Qytaılyq zertteýshiler Ońtústik Qytaıda qyryqqulaqtyń jańa túrin anyqtap, ony Cyrtomium adenotrichum dep atady, dep habarlaıdy <a href="https://russian.news.cn/20240716/1a85c3487c234b00927105949d62a63a/c.html" target="_blank" rel="noopener">Sınhýa </a>aqparat agenttigi.</p>

Gýansı qytaılyq medıtsına jáne farmatsevtıka ınstıtýtynyń málimetinshe, zertteýshiler Gýansı-Chjýan avtonomııalyq aýdany (GCAR, Ońtústik Qytaı) Hechı qalasyndaǵy Nandan ýezindegi jartastardyń birinen jańa túrdegi 10-ǵa jýyq jabaıy ósimdikti anyqtady.

Jaqynda PhytoKeys botanıkalyq klassıfıkatsııasynyń halyqaralyq jýrnalynda jarııalanǵan zertteý nátıjeleri Cyrtomium adenotrichum ýsasyr (Dryopteridaceae) tuqymdasynyń Tsırtomıým (Cyrtomium) tuqymyna jatatynyn kórsetti. Tabylǵan ósimdiktiń bıiktigi 5-ten 15 sm-ge deıin jetedi.

«Qyryqqulaqtyń bul túrine tán belgilerdiń biri – japyraǵynyń negizgi tamyryndaǵy bezdi túkterdiń az bolýy. Bul biregeı qurylym ony Tsırtomıým tuqymdas ósimdikterdiń basqa túrlerinen erekshelendiredi», - dep atap ótti ǵalymdar.

Qyryqqulaqtyń osy jańa túriniń sırek kezdesetindigin, az popýlıatsııasyn jáne tirshilik etý ortasynyń náziktigin negizge ala otyryp, zertteýshiler ony Halyqaralyq tabıǵatty qorǵaý odaǵynyń joıylyp ketý qaýpi tóngen túrlerdiń Qyzyl tizimine engizilgen krıterııler boıynsha joıylyp ketý qaýpi tóngen túrler qataryna jatqyzdy.

Zertteýshilerdiń aıtýynsha, aldaǵy ýaqytta bul túrdiń bıologııalyq, ekologııalyq jáne emdik qundylyǵy jóninde zertteýler júrgiziletin bolady.