Qytaıda balalar arasynda mıkoplazmalyq pnevmonııa órshidi

<p>Qytaıda mıkoplazmalyq pnevmonııa ınfektsııasy sııaqty respıratorlyq aýrýlar taralyp jatyr, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

RFI radıostantsııasynyń habarlaýynsha, kóptegen aýrýhana naýqasqa toly jáne olardyń deni – kishkentaı balalar. Áleýmettik jelide taraǵan beınejazbalardan dárigerge kórinip, dári-dármek alý úshin kezek kútip otyrǵan ata-analar men balalardy kórýge bolady.

Sońǵy eki aıdaǵy esep boıynsha, Qytaıdyń ońtústigindegi Chjetszıan provıntsııasynda mıkoplazmalyq pnevmonııa ınfektsııasyn juqtyrǵan balalar sany ótken jyldyń sáıkes kezeńimen salystyrǵanda 17,8 ese ósken. Al Qytaı astanasy Beıjińde bir aýrýhana kúnine 7 myńnan astam naýqasty qabyldaǵan.

Dúnıejúzilik densaýlyq saqtaý uıymy Qytaıǵa respıratorlyq aýrýlar men balalardaǵy pnevmonııanyń órshýi týraly tolyq aqparat alý úshin resmı suraý jiberdi.

Dúnıejúzilik densaýlyq saqtaý uıymy Qytaı bıligi respıratorlyq aýrýlardyń kóbeıýin COVID-19 shekteýleriniń joıylýymen jáne belgili patogenderdiń aınalymymen baılanystyrady dep málimdedi.