Qytaıda ata-anasy balasynyń tiri ekenin 33 jyldan keıin bildi

<p>ASTANA. KAZINFORM &ndash; Qytaılyq erli-zaıyptylar aýrýhana dırektorynyń bedeý týysy ósirgen &laquo;ólgen&raquo; ulyn 33 jyldan keıin tiri tapqanda tań qaldy, dep habarlaıdy <a href="https://www.scmp.com/news/people-culture/trending-china/article/3264807/china-couple-shocked-discover-dead-son-alive-after-33-years-was-raised-infertile-relative-hospital?module=top_story&amp;pgtype=subsection" target="_blank" rel="noopener">South China Morning Post.</a></p>

Qytaıda uldary týǵannan keıin kóp uzamaı qaıtys boldy dep sengen erli-zaıyptylar onyń shyn máninde tiri jáne jaǵdaıy jaqsy ekenin 30 jyldan astam ýaqyt ótken soń bildi.

Qytaıdyń shyǵysyndaǵy Anhoı provıntsııasyndaǵy kedeı kentte ósken 33 jastaǵy Chjan Hýaııýan ózin asyrap alǵanyn estigende qatty tań qaldy. Ol óziniń bıologııalyq ata-anasy Qytaıdyń ońtústik-shyǵysyndaǵy Chjetszıan provıntsııasynyń baı saýdagerleri ekenin bildi. Ol bıologııalyq ata-anasynan 400 shaqyrymdaı jerde ósken.

Bosanǵannan keıin dárigerler Chjannyń bıologııalyq ata-anasyna onyń shala týylǵandyqtan shetinep ketkenin aıtty. Biraq, shyn máninde náreste aýrýhana dırektorynyń júkti bola almaǵan týysqanyna berilgen. Asyrap alýshylardyń jasy 50-den asqan. Onyń ákesi múgedek boldy, sondyqtan Chjan qarjydan qysylyp, 17 jasynda mektepti tastap ketýge májbúr boldy. Ákesi 2023 jyly qaıtys bolǵannan keıin ǵana asyrap alǵan ana ulyna onyń óz balasy emes ekenin aıtqan.

Chjan shyn ata-anasymen osy jyldyń mamyr aıynda polıtsııanyń kómegimen kezdesti. Lı otbasy Qytaıdyń shyǵysyndaǵy Tıantszın qalasyndaǵy Chjannyń úıine baryp, kelini men toǵyz jasar nemeresin kórdi.

20 mamyrda Chjetszıanda ótken úlken merekede Chjannyń bıologııalyq ákesi Lı Shıtsze kózine jas alyp, balasyna 1,2 mln ıýan (166 myń dollar) shot ashý úshin bank kartasyn syıǵa tartty.

Chjan kedeılikte óskenimen bıologııalyq ata-anasynyń iskerlik daǵdylaryn mura etti – onyń shaǵyn fabrıkasy bar edi.