Qytaıda álemdegi eń iri altyn keni tabyldy

<p>ASTANA. KAZINFORM &ndash; Qytaıdyń ortalyǵynda myń tonnaǵa jýyq altyn qory bar joǵary sapaly altyn kenishi tabyldy. Sarapshylar onyń qunyn 83 mlrd dollardan asady, dep boljaýda. Bul týraly <a href="https://t.me/BILD_Russian/20129" target="_blank" rel="noopener">Bild</a> Telegram-kanaly málimdedi.</p>

Sarapshylardyń bul baǵalaýy tabylǵan kendi álemdegi eń úlken jáne eń qundy dep ataýǵa múmkindik beredi, dep jazady ScienceAlert portaly.

– Ken oryndary burynnan belgili Vangý kenishiniń astynan tabylǵan. Burǵylaý jáne 3D modeldeýdi qoldana otyryp, Hýnan geologııalyq qyzmetiniń zertteýshileri tereńirek ornalasqan buryn tanylmaǵan ken oryndaryn anyqtady. 2000 metr tereńdikten tamyrdaı taraǵan 40-tan astam altyn izderi anyqtaldy, al qazir 3000 metr tereńdikte odan da iri ken oryndary anyqtaldy, – delingen habarlamada.

Aldyn ala málimetter boıynsha, altynnyń kontsentratsııasy bir tonna kende 138 gramǵa jetedi, bul joǵary kórsetkish bolyp sanalady. Eger bul derekter rastalsa, jańa olja qazirgi rekordshy – Ońtústik Afrıkadaǵy 930 tonnaǵa jýyq baǵaly metaldy qamtıtyn South Deep shahtasyn basyp ozady.

Buǵan deıin Kazinform tilshisi Qazaqstan avtonaryǵynda qytaılyq kólikterdiń artýyna baılanysty taldaý júrgizip, sarapshylardyń oıyn bildi.