Qytaıda 2024 jyly tutyný baǵalary qalaı ózgerdi

<p>ASTANA. KAZINFORM &ndash; 2024 jyldyń jeltoqsan aıynda Qytaıdaǵy tutyný baǵalary (CPI ındeksi) jyldyq kórsetkish aıasynda 0,1%-ǵa ósti. Bul týraly QHR Memlekettik statıstıka basqarmasynyń (MSQ) esebinde aıtylǵan, dep habarlaıdy Kazinform agenttiginiń menshikti tilshisi.</p>

Jeltoqsanda Qytaıda azyq-túlik quny 0,5%-ǵa arzandasa, azyq-túlik emes taýarlardyń baǵasy 0,2%-ǵa, qyzmetterdiń quny 0,5%-ǵa ósti.

Máselen, byltyr jeltoqsan aıynda Qytaıda kókónis (-2,4%), et (-1,3%), jemis (-1%), sondaı-aq temeki men alkogol (-0,3%) baǵasynyń tómendeýi tirkeldi.

Jalpy alǵanda, tutyný baǵasy 2024 jyly 0,2 paıyzǵa ósti.

Eske salaıyq, Qytaı úkimeti tutyný baǵasynyń ósýi 2024 jyly shamamen 3% bolady dep eseptegen edi.

2025 jyldyń naýryz aıynda Beıjińde Búkilqytaılyq halyq ókilderi jınalysynyń (parlament) kezekti sessııasy ótedi, onyń barysynda QHR-dyń 2025 jylǵa arnalǵan áleýmettik-ekonomıkalyq damýynyń baǵdarlary naqtylanady..

Buǵan deıin 2024 jyly Qytaı Eýropaǵa 19 myń júk poıyzyn jóneltkenin jazǵan edik.