Qytaı, Japonııa jáne Ońtústik Koreıa úkimet basshylary tórt jylda birinshi ret kelissóz júrgizdi

<p>SEÝL. KAZINFORM — Qytaı-Japonııa-Ońtústik Koreıa basshylarynyń toǵyzynshy kezdesýi 27 mamyr kúni Ońtústik Koreıanyń astanasy Seýlde ótti, dep habarlaıdy <a href="https://china.kyodonews.net/news/2024/05/cdf6470e2238--.html" target="_blank" rel="noopener">Kyodo News.</a></p>

Jıynǵa Qytaı premer-mınıstri Lı Tsıan, Japonııa premer-mınıstri Fýmıo Kıshıda jáne Ońtústik Koreıa prezıdenti ıÝn Sok ıÝe qatysyp, kezdesýden keıin ortaq málimdeme jasady.

Bul — úsh eldiń úkimet basshylarynyń 2019 jyldyń jeltoqsanynan bergi tórt jyldan astam ýaqyttaǵy alǵashqy dıalogy.

Kezdesý qorytyndysy boıynsha qatysýshylar úsh el arasyndaǵy yntymaqtastyq qarym-qatynastardy nyǵaıtý, ásirese 2019 jyldan beri toqtatylǵan Japonııa-Qytaı-Ońtústik Koreıa erkin saýda kelisimine (FTA) qol qoıý kelissózin qalpyna keltirý boıynsha ortaq mámilege keldi.

Qytaı premer-mınıstri Lı Tsıan muny jańa bastama dep sıpattady, sonymen qatar ol barlyq elderdi ashyq kózqaraspen jáne ashyq sharalarmen Qytaı, Japonııa jáne Ońtústik Koreıa arasyndaǵy yntymaqtastyqty qalpyna keltirýge, ekonomıkalyq jáne saýda protektsıonızmine qarsy turýǵa jáne erkin saýda men ekonomıkalyq jahandanýdy qorǵaýǵa shaqyrdy.

Lı Tsıan sammıtte Koreı túbegindegi barlyq taraptardy sabyr tanytyp, jaǵdaıdyń odan ári shıelenisýine jol bermeýdi surady.

Ońtústik Koreıa prezıdenti ıÝn Sok ıÝe baspasóz máslıhatynda aldaǵy ýaqytta úshjaqty sammıtter turaqty ótetinin málimdedi.

Úsh eldiń kóshbasshylary biraýyzdan Soltústik Koreıany ıadrolyq qarýsyzdandyrý jáne Koreı túbeginde beıbitshilikti saqtaý — Qytaı, Japonııa jáne Ońtústik Koreıanyń ortaq múddesi men jaýapkershiligi ekenin málimdedi.