Qytaı jahandyq mýltımodaldy kólik-logıstıkalyq júıe qurýǵa nıetti

<p>BEIJІŃ. KAZINFORM &ndash; Qytaı teńiz, qurlyq jáne áýe joldaryn baılanystyratyn joǵary sapaly jahandyq ınfraqurylym jelisin salýdy jalǵastyrady.&nbsp; Bul týraly QHR 14-shi Búkilqytaılyq halyq ókilderi jınalysynyń 2-shi sessııasy aıasynda ótken baspasóz máslıhatynda QHR Syrtqy ister mınıstri Van I málimdedi.</p>

«Biz teńiz, qurlyq jáne áýe joldaryn baılanystyratyn joǵary sapaly, turaqty jáne ómirsheń jahandyq ınfraqurylym jelisin salýdy jalǵastyramyz», - dedi Van I.

Onyń aıtýynsha, Qytaı «Bir beldeý, bir jol» bastamasyn ártúrli taraptardyń damý strategııalarymen biriktirýge, sondaı-aq ashyq álemdik ekonomıkany belsendi túrde qurýǵa nıetti.

«Bir beldeý, bir jol» bastamasy barshaǵa arnalǵan múmkindikke aınalýy úshin biz ashyq jahandyq ekonomıkany belsendi túrde quratyn bolamyz», - dedi ol.

Sondaı-aq ol Qytaıdyń «Beldeý jáne jol» aıasyndaǵy sapaly qurylys álemniń barlyq elderiniń birlesken damýynyń draıveri bolǵanyna jáne jahandyq jańǵyrtý úderisine qýatty serpin bergenine múddeli ekenin atap ótti.

«Beldeý jáne jol» bastamasy Qytaı 2013 jyly usynǵan eki jobany biriktiredi – «Jibek joly ekonomıkalyq beldeýi» jáne «21-ǵasyrdaǵy teńiz Jibek joly».

Beıjińde Búkilqytaılyq halyq ókilderi jınalysynyń jyl saıynǵy sessııasy ótip jatyr. Ol 11 naýryzǵa deıin jalǵasady.