Qytaı Syrtqy ister mınıstri Mıýnhen qaýipsizdik konferentsııasyna qatysady

<p>Qytaı Syrtqy ister mınıstri Van I 60-shy Mıýnhen qaýipsizdik konferentsııasyna qatysady. Bul týraly Qytaı Syrtqy ister mınıstrliginiń resmı ókili Mao Nın málimdedi.</p>

Málimdemede Qytaı Kommýnıstik partııasy Ortalyq Komıteti Saıası Bıýrosynyń múshesi, QHR Syrtqy ister mınıstri Van I 16-21 aqpan aralyǵynda shetelge sapary aıasynda 60-shy Mıýnhen qaýipsizdik konferentsııasyna qatysatyny aıtylǵan. Konferentsııa barysynda Qytaı Syrtqy ister mınıstrliginiń basshysy «Qytaıdyń arnaıy sessııasynda» baıandama jasap, halyqaralyq kún tártibindegi negizgi máseleler boıynsha Beıjińniń ustanymyn usynatyn bolady.

Van I Ispanııa men Frantsııaǵa da barady. Frantsııada Qytaı Syrtqy ister mınıstri ekijaqty strategııalyq dıalog otyrysyn ótkizedi.

Mıýnhen qaýipsizdik konferentsııasy halyqaralyq qaýipsizdik salasyndaǵy ózekti máselelerdi talqylaýǵa arnalǵan álemdik jetekshi forým. Bul konferentsııa 1963 jyldan beri jyl saıyn Mıýnhende (Germanııa) ótkizilip keledi.