Qytaı syrtqy ister mınıstri Izraıldi «shekten shyqty» dep synady

<p>Qytaı syrtqy ister mınıstri <a href="https://www.mfa.gov.cn/web/wjbz_673089/xghd_673097/202310/t20231015_11161167.shtml" target="_blank" rel="noopener">Túrkııa</a>, <a href="https://www.mfa.gov.cn/web/wjbz_673089/xghd_673097/202310/t20231015_11161058.shtml" target="_blank" rel="noopener">Saýd Arabııasy</a> jáne <a href="https://www.mfa.gov.cn/web/wjbz_673089/xghd_673097/202310/t20231015_11161164.shtml" target="_blank" rel="noopener">Irandaǵy</a> áriptesterimen telefon arqyly sóılesip, Izraıldi &laquo;shekten shyqty&raquo; dep syndady, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Qytaı Syrtqy ister mınıstrliginiń resmı saıtynda jazylǵandaı, Qytaı syrtqysaıasat vedomstvosynyń basshysy Van I 15 qazanda Saýd Arabııasy, Iran jáne Túrkııa syrtqy ister mınıstrlerimen telefon arqyly sóılesti.

Van I áńgimelesý barysynda Izraıldiń Gaza sektoryna qarsy qazirgi áskerı operatsııalary ózin-ózi qorǵaý sheginen asyp ketkenin aıtty.

Onyń atap ótýinshe, kez kelgen el ózin-ózi qorǵaý quqyǵyn paıdalanǵan kezde jazyqsyz beıbit turǵyndardyń qurban bolýy esebinen emes, halyqaralyq gýmanıtarlyq quqyqty saqtaýy kerek.

Qytaı mınıstri sondaı-aq, Palestına halqyna qarsy ádiletsizdiktiń jarty ǵasyrdan beri jalǵasyp kele jatqanyn, sondyqtan Qytaı Saýd Arabııasy jáne basqa eldermen birge Palestınanyń ulttyq quqyqtaryn qalpyna keltirýdegi ádil isine qoldaý kórsetýge daıyn ekenin, Qytaı Palestına máselesinde ıslam elderiniń «Biryńǵaı daýys shyǵarýyn» qoldaıtynyn da basa aıtty.

Aıta keteıik, bul Qytaı syrtqy ister mınıstriniń HAMAS 7 qazanda shabýylyn bastaǵannan keıin Izraıldiń qarsy soqqysyn alǵash ret synǵa alǵany. Biraq, osy ýaqytqa deıin ol shabýyldy bastaǵan HAMAS-ty áli ashyq aıyptaǵan emes. SІM málimetinshe, HAMAS-tyń Izraılge qarsy buǵan deıin jasaǵan shabýyldarynda Qytaıdyń 4 azamaty qaza taýyp, altaýy jaralanǵan, ekeýi iz-túzsiz joǵalǵan.

Qytaılyq BAQ-tyń habarlaýynsha, Qytaı úkimetiniń Taıaý Shyǵystaǵy arnaıy ókili Chjaı Tszıýn beıbitshilikti ilgeriletýdi úılestirý úshin osy aptada Taıaý Shyǵys elderine barýdy josparlap otyr.