Qytaı pandalardy qorǵaý úshin halyqaralyq yntymaqtastyqtyń jańa kezeńin bastaıdy

<p>ASTANA. KAZINFORM &ndash; Qytaıdyń jabaıy tabıǵatty qorǵaý qaýymdastyǵy Ispanııadaǵy Madrıd haıýanattar baǵy men akvarıýmy jáne AQSh-taǵy San-Dıego haıýanattar baǵy jabaıy tabıǵat alıansymen pandalardy qorǵaý boıynsha yntymaqtastyq týraly kelisimge qol qoıdy , dep habarlaıdy <a href="https://russian.news.cn/20240222/d981d97014104f388b070b7d575590f6/c.html" target="_blank" rel="noopener">Sınhýa</a> aqparat agenttigi.</p>

Habarlanǵandaı, qaýymdastyq qazirgi ýaqytta AQSh-taǵy basqa haıýanattar baǵymen jáne avstrııalyq haıýanattar baǵymen uqsas yntymaqtastyq týraly keńesip jatyr.

Ispanııa, AQSh jáne Aýstrııa – alyp pandalardy qorǵaý úshin Qytaımen halyqaralyq yntymaqtastyq ornatqan alǵashqy elderdiń biri. Qytaı men osy úsh eldiń zertteý qyzmetkerleriniń birlesken kúsh-jigeriniń arqasynda barlyǵy 28 alyp panda balasy dúnıege keldi. 

«Sheteldegi alyp pandalardyń densaýlyǵy men qaýipsizdigin qamtamasyz etý – halyqaralyq yntymaqtastyqtyń mańyzdy alǵysharty», - dedi qaýymdastyq ókili.

Onyń aıtýynsha, Qaýymdastyq basqa elderdegi alyp pandalardyń densaýlyǵyn kúndelikti baqylaýdy jáne medıtsınalyq tekserýdi kúsheıtýdi qamtamasyz etedi.  2024 jyly osy janýarlardyń turǵylyqty jerinde dıagnostıkasy men densaýlyǵyn baǵalaýdy tolyq qamtýǵa jaýapty. 

Alyp pandalar Qytaı men basqa elder arasyndaǵy dostyqty nyǵaıtýda «elshi» rólin atqarady. 1990 jyldardan beri Qytaı 20 elden kelgen 26 mekememen alyp pandalardy qorǵaý jáne zertteý boıynsha yntymaqtastyqty júzege asyrdy, nátıjesinde 68 panda dúnıege keldi.