Qytaı men Úndistan basshylary Tatarstanǵa saparmen bardy

<p>ASTANA. KAZINFORM &ndash; 22-24 qazan kúnderi Tatarstan astanasynda BRIKS sammıti ótedi. Sharaǵa qatysý úshin qalaǵa álemdik jáne óńirlik derjavalardyń birqatar basshysy keldi, dep habarlaıdy <a href="https://www.inform.kz/ru/kto-iz-mirovih-liderov-pribil-na-sammit-briks-v-kazani-36d0ab" target="_blank" rel="noopener">Kazinform tilshisi.</a></p>

BRIKS sammıtine qatysý úshin Úndistan premer-mınıstri Narendra Modı men QHR tóraǵasy Sı Tszınpın Tatarstanǵa keldi. Budan bólek Ońtústik Afrıka prezıdenti Sırıl Ramafosa, Efıopııa premer Abı Ahmed, Brazılııa Syrtqy ister mınıstri Maýro Vıeıra bastaǵan delegatsııa jáne Mysyr prezıdenti Abdel Fattah as-Sısı de at basyn Qazanǵa burǵan.

RF Prezıdentiniń kómekshisi ıÝrıı Ýshakovtyń aıtýynsha, Qazandaǵy BRIKS sammıtiniń negizgi taqyryptary – kópjaqtylyqty nyǵaıtý, birlestiktiń jańa músheleriniń ıntegratsııasy, jahandyq kún tártibi, sondaı-aq aımaqtyq qaqtyǵysty retteý. Aldyn ala málimet boıynsha, sharaǵa 59 memleketten 20 myńǵa jýyq delegat, sondaı-aq eki myńǵa jýyq tilshi qatyspaq.

Buǵan deıin Brazılııa prezıdenti Lýıs Inasıý Lýla da Sılva 22-24 qazan kúnderi Qazan qalasynda ótetin BRIKS sammıtine densaýlyq jaǵdaıyna baılanysty qatyspaıtyny týraly jazǵan bolatynbyz.