Qytaı men Qyrǵyzstan shekarasynda birneshe jer silkinisi boldy

<p>23 qańtar kúni saǵat 00:09-da Qytaıdyń Qyrǵyzstan shekarasyna jaqyn aýmaǵynda birinshi jer silkinisi boldy. Jerasty dúmpýi Qyrǵyzstannyń Bishkek, Ystyqkól, Naryn jáne Shý oblystarynyń turǵyndaryna sezildi, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Qyrǵyzstandaǵy menshikti tilshisi.</p>

Qyrǵyzstan seısmologııa ınstıtýtynyń málimeti boıynsha, jer silkinisiniń oshaǵy Qytaı aýmaǵynda Qarakólden ońtústik-shyǵysqa qaraı - 137 km, Kadjysaıdan ońtústik-shyǵysqa qaraı - 150 km, Narynnan ońtústik-shyǵysqa qaraı - 275 km, Bishkekten ońtústik-shyǵysqa qaraı - 300 km jerde ornalasqan.

Epıtsentrdegi jerasty dúmpýiniń qýaty 8 balǵa jetti.

Qyrǵyzstan eldi mekenderi Qum-Torda — 5, Qarakól, Naryn, Bishkek, Kadjysaı qalalarynda — 3 ball boldy.

Qyrǵyz TJM aldyn ala dereginshe, jer silkinisi saldarynan zardap shekkender men qıraǵan ǵımarttar bolǵan joq.

Esterińizge sala keteıik, 23 qańtarda saǵat 00:09–da Qyrǵyzstanda jer silkinisi boldy.

Kóptegen qala turǵyndary úılerin tastap, syrtqa shyqty.