Qytaı kóshpendiler oıynyndaǵy alǵashqy altyn medalin enshiledi

<p>ASTANA. KAZINFORM — Qytaı quramasy V Dúnıejúzilik kóshpendiler oıyndarynda alǵashqy altynyn jeńip aldy.</p>

Keshegi jarys kúninde Qytaı quramasy qorjynyna sporttyń úsh túrinen 5 medal tústi.

Naqtyraq aıtsaq, qytaı sportshysy Teri Gun jamby atý sportynan altyn júlde alsa, Hang Gai kýrashtan erler arasynda 66 keli salmaq dárejesinde qola júldeger atandy.

Sondaı-aq, qytaı sportshylary alysh sportynan úsh qola medal jeńip aldy.

Ázirge Qytaı komandasy 5 medal (1 altyn, 4 qola) enshilep, medaldar kestesinde 12-orynǵa jaıǵasqan. 

Aıta keteıik, Qytaı quramasy buǵan deıin Qyrǵyzstanda ótken ekinshi jáne úshinshi kezekti kóshpendiler oıyndaryna qatysyp, 1 altyn, 1 kúmis, 8 qola medaldi qanjyǵalaǵan bolatyn.