Qytaı Konfýtsııdiń týǵanyna 2 575 jyl tolýyn toılap jatyr
21:05, 30 Qyrkúıek 2024
<p>ASTANA. KAZINFORM – Qytaıdyń shyǵysyndaǵy Shandýn provıntsııasynda ejelgi qytaı fılosofy jáne ustazy Konfýtsııdiń týǵan kúnine arnalǵan saltanatty sharalar bastaldy.</p>
Arnaıy ashylý saltanatynan keıin Konfýtsıı ǵıbadathanasynda mýzyka men bı qoıylymdary men Konfýtsıı klassıkasy oqýlary ótti.
Konfýtsııge qurmet kórsetý rásiminiń ózi Qytaıdyń materıaldyq emes mádenı muralar tizimine engizilgen.
Konfýtsıı bizdiń eramyzǵa deıingi 551 jyly Shandýn provıntsııasynyń Tsıýıfý qalasynda dúnıege kelgen. Ol jer qazir ejelgi qytaı danalyǵyn qurmetteýshilerdiń zııarat etý orny. Konfýtsıı ilimi konfýtsııshildik degen ataýmen belgili.
Konfýtsııshildik Soltústik-Shyǵys Azııa men Ońtústik-Shyǵys Azııadaǵy qoǵamdyq ómirde jáne akademııalyq zertteýlerde mańyzdy oryn alady. Kóptegen elderde Konfýtsıı ınstıtýttary bar, olardyń sany búginde 550-den asady.