Qytaı qazaqtary týraly teleserıal Qytaıdyń basty telearnasynda kórsetiledi

<p>ASTANA. KAZINFORM &ndash; Qytaı qazaqtarynyń turmys-tirshiligi týraly shaǵyn teleserıal &laquo;Meniń Altaıym&raquo; 7 mamyrdan bastap Qytaı Ortalyq Televızııasy CCTV-1 telearnasynda kórsetile bastaıdy.&nbsp;</p>

Tıan-Shan portalynyń habarlaýynsha, 8 serııadan turatyn týyndy shyńjańdyq jazýshy Lı Jıýýannyń «Meniń Altaıym» shyǵarmasynan alynǵan. Basty rólderde qytaılyq tanymal akter Ma Iılı jáne Chjoý Iran, shyńjańdyq qandasymyz Alma jáne Qaırat oınaıdy. 

Foto: vıdeodan alynǵan skrın

«Meniń Altaıym» shyǵarmasy 2010 jyly jaryq kórgen. Onda jazýshy Lı Jıýýannyń anasymen birge Altaı aımaǵynyń qazaq aýylyndaǵy bastan keshken oqıǵalary, kórkem tabıǵat pen qazaqtardyń turmys-tirshiligi sýretteledi.

Aıta keteıik, «Meniń Altaıym» teleserıaly 2024 jylǵy Kann kınofestıvali Uzaq dramalyq serıaldardyń baıqaý bólimine usynylyp, álemdik premerasy ótken.