Qytaı Qazaqstannyń BRIKS quramyna kirýin qoldaıdy

<p>ASTANA. KAZINFORM &ndash; Qytaı Qazaqstannyń BRIKS quramyna kirýin qoldaıdy. Bul týraly Memleket basshysy Qasym-Jomart Toqaevpen kelissózderden keıingi baspasózge arnalǵan málimdeme barysynda Qytaı Halyq Respýblıkasynyń Tóraǵasy Sı Tszınpın aıtty.</p>

«Qytaı Qazaqstannyń BRIKS quramyna kirýin qoldaıdy. Qazaqstandy róli artyp kele jatqan, álemdik isterge, jahandyq basqarýǵa laıyqty úlese qosa alatyn álemdegi orta derjavalardyń biri retinde qoldaıdy», - dedi Qytaı basshysy.

Sı Tszınpın Qytaı men Qazaqstan Shanhaı yntymaqtastyq uıymyn qurý isiniń basynda turǵanyn atap ótti. 

«Qazaqstan tóraǵalyǵynyń ShYU qyzmetin damytýdaǵy jáne biregeı yntymaqtastyqty ilgeriletýdegi eleýli úlesin erekshe atap ótkim keledi. Erteńgi Astana sammıti tolyqtaı tabyspen ótetini jáne uıymymyzdyń qyzmetin jańa beleske kótereri sózsiz», - dedi QHR Tóraǵasy.