Qytaı Qazaqstandaǵy atom energetıkasy salasyna ne usyna alady

<p>ASTANA. KAZINFORM &ndash; Astanada ótip jatqan KazAtomExpo halyqaralyq kórmesi barysynda CNNC (China National Nuclear Corporation) enshiles kásipornynyń basshysy Chao Gan atom elektr stantsııalaryn salýdaǵy qytaılyq tehnologııanyń artyqshylyǵyn túsindirdi.</p>

Bul rette ol Qytaı jaǵy ıadrolyq tehnologııa salasyndaǵy jetistikterin kórsetýge jáne AES salý tehnologııalaryn berýge daıyn ekenin atap ótti.

Onyń aıtýynsha, qytaılyq kompanııa Qazaqstanǵa atom energetıkasyn damytýdyń jeke baǵdarlamasy boıynsha kómektesýge ázir.

«Bul baǵdarlama ıadrolyq saladaǵy kadrlardy damytýǵa baǵyttalýy kerek. Onyń aıasynda Qazaqstan bolashaqta atom elektr stantsııalarynyń senimdi jumysyn qamtamasyz ete alatyndaı adam resýrstaryn damytýǵa ekpin qoıylady», - dedi ol.

Photo: Kazinform

Qytaılyq AES jobalaýshylarynyń biri Hýeısıa Tszıan Qazaqstanda HBR-1000 (ıadrolyq reaktorlar serııasy) qurylysy aıtarlyqtaı uzaq ýaqytty qajet etetinin, ıaǵnı tek birinshi bloktyń qurylysyna shamamen 68 aı kerek ekenin aıtty. Degenmen, keıingi bólikterin salýǵa áldeqaıda az ýaqyt ketedi, óıtkeni atom elektr stantsııasynyń negizi daıyn bolady.

Sonymen birge ol Qytaıdaǵy atom elektr stantsııalarynyń qaýipsizdigi óte joǵary deńgeıde ekenin atap ótti.

Aıta keteıik, kórme aıasyndaǵy brıfıngide QR Energetıka mınıstrligi Atom energetıkasy jáne ónerkásibi departamentiniń dırektory Ǵumar Serǵazın Atom elektr stantsııasyn (AES) salyp beretin vendorǵa táýeldi bolyp qalmaý úshin ózimizdiń mamandardy daıarlaýǵa ekpin qoıylatynyn aıtty.

Qazaqstanda AES salý máselesine arnalǵan respýblıkalyq referendým týraly Prezıdent Jarlyǵynyń jobasy Úkimet qaraýyna jiberildi.

Búgin Úkimet otyrysynda «Qazaqstannyń atom elektr stansasy» JShS bas dırektory Tımýr Jantıkın AES qurylysyna qatysty short-paraqshaǵa qaı elder kirgenin atady.