Qytaı qazaǵy aralas jekpe-jekte qarsylasyn jeńip, $140 myń enshiledi

<p>ASTANA. KAZINFORM &ndash; Qytaılyq ulty qazaq MMA sheberi Nartaı Qyzyrbaıuly kásipqoı mansabyndaǵy eń úlken jekpe-jeginde jeńiske jetti.</p>

Qandasymyz Qytaıdaǵy eń tanymal JUE CHENG KING atty erejesiz jekpe-jek básekesinde óner kórsetip, tıbet ultynan shyqqan tanymal faıter Zy Ýańmen sheberlik baıqasty.

Foto: new.qq.com

5 raýndtyq jekpe-jek qorytyndysynda Nartaı qarsylasyn aıqyn basymdyqpen jeńip, 1 mıllıon ıýan (140 myń dollar) syıaqy ıelendi.

Aıta keteıik, Nartaı Qyzyrbaıuly Qytaıdyń Іle Qazaq avtonomııaly oblysyndaǵy Kúnes aýdanynda dúnıege kelgen. 

23 jastaǵy faıter kásipqoı mansabynda 8 jekpe-jek ótkizip, barlyǵynda jeńiske jetken.

Eske sala keteıik, buǵan deıin qazaqstandyq sportshy Sadrıddın Ahmedovtiń AQSh-taǵy aıqasy nokaýtpen aıaqtalǵanyn habarlaǵan edik.