Qytaı halqy Kúz ortasy merekesin atap ótýde

<p>Qytaı turǵyndary juma kúni eldegi eń mańyzdy otbasylyq dástúrlerdiń biri &ndash; Kúz ortasy merekesin (Chjýntsıýtsze) toılaıdy. Ol Aı kúntizbesi boıynsha segizinshi aıdyń 15-shi kúninde atalyp ótedi. Bıyl mereke 29 qyrkúıekke tuspa-tus keldi, dep habarlaıdy <a href="https://kaz.inform.kz/" target="_blank" rel="noopener">QazAqparat </a>tilshisi.</p>

Chjýntsıýtsze - negizgi aýylsharýashylyq jumystary aıaqtalyp, kúzgi egin jınaý naýqany qorytyndylanatyn dástúrli mereke.

Bul kúni tolǵan Aı - jyldyń eń jaryq jáne eń jarqyn Aıy sanalady, ol sondaı-aq kúzdiń ortasy festıvaliniń sımvoly. Tolǵan aı otbasylyq baılyqty, jaqsy turmysty jáne otbasymen qaıta qosylýdy bildiredi. Bul kúni adamdar ártúrli salmasy bar dóńgelek pishindi zimbir pechene «ıýebın» («aı pirándikteri») ázirlep, bir-birine syılaıdy. Dástúrli taǵamǵa aınalǵan bul táttiler barlyq jerde satylady.

Qytaıda kúzdiń ortasy festıvali men Qytaı Halyq Respýblıkasynyń qurylǵan kúnine (1 qazan) oraı demalys kúnderine baılanysty týrıster aǵynynyń artýy boljanyp otyr. Kóshi-qon isteri jónindegi memlekettik basqarmanyń málimetinshe, elde ortasha eseppen kún saıynǵy 1,58 mln jolaýshy tasymaldanady. Bul – jyldaǵy kórsetkishten úsh ese kóp.

Chjýntsıýtsze jáne QHR qurylǵan kúnine oraı merekelik «altyn» apta 29 qyrkúıek pen 6 qazan aralyǵynda jalǵasady.