Qytaı halqy 2024 jyly 1,39 mıllıonǵa azaıdy

<p>BEIJІŃ. KAZINFORM &ndash; Qytaı halqy 2024 jyly 1,39 mıllıon adamǵa qysqardy. Ulttyq statıstıka bıýrosynyń (NSB) málimetinshe, 2023 jyly 1 mıllıard 409 mıllıon 670 myń bolǵan Qytaı halqy 2024 jyly 1 mıllıard 408 mıllıon 280 myńǵa deıin azaıǵan, dep jazady <a href="https://www.aa.com.tr/ru/%D0%BC%D0%B8%D1%80/%D0%BD%D0%B0%D1%81%D0%B5%D0%BB%D0%B5%D0%BD%D0%B8%D0%B5-%D0%BA%D0%B8%D1%82%D0%B0%D1%8F-%D0%BF%D1%80%D0%BE%D0%B4%D0%BE%D0%BB%D0%B6%D0%B8%D0%BB%D0%BE-%D1%81%D0%BE%D0%BA%D1%80%D0%B0%D1%89%D0%B0%D1%82%D1%8C%D1%81%D1%8F-%D0%B2-2024-%D0%B3%D0%BE%D0%B4%D1%83/3453221" target="_blank" rel="noopener">Anadoly.</a></p>

Sońǵy jyldarda Qytaı halqy jappaı asharshylyq bolǵan 1960 jyldardyń basynan beri alǵash ret azaıyp jatyr. 2022 jyl – Qytaıdaǵy halyq sany tómendeýiniń basy boldy.

Ótken jyly týý kórsetkishi 1949 jyly resmı jazbalar bastalǵannan bergi eń tómengi deńgeıge túsken. 2024 jyly 10,93 mıllıon adam qaıtys boldy, bul 2023 jylǵy 11,1 mıllıon ólimnen 1,5 paıyzǵa az.

Halyqtyń 15,6 paıyzy 65 jastan asqandar. Halyqtyń jas toptary boıynsha bólinýi boıynsha «eńbekke jaramdy» jas sanaty (16 jastan 59 jasqa deıin) 857,98 mln adamdy quraıdy. Bul jalpy halyqtyń 60,9 paıyzy, al 60 jastan asqan halyq sany 310,31 mln adam, bul – 22%.

65 jastan asqandar sany 220,23 mıllıonǵa jetip, jalpy halyqtyń 15,6 paıyzyn qurady.

Sarapshylardyń paıymdaýynsha, Qytaı uzaq merzimdi demografııalyq ózgerister kezeńine endi. Bul kezeńde halyq qartaıyp, jumys kúshi birte-birte azaıady.

Qytaıdaǵy halyq sanynyń ósý qarqyny 2016 jyldan beri tómendep keledi jáne keleshekte halyq sanynyń azaıýy jyldamyraq bolady degen boljam bar.

1980 jyldary engizilgen bir bala saıasatynan bas tartqan Qytaı úkimeti 2016 jyly bir otbasyǵa bala sanyn ekige deıin kóbeıtýge, 2021 jyly zańdy ózgertip, otbasylarǵa úsh balaly bolýǵa ruqsat berdi.

Bala týýdy yntalandyrý sharalaryna qaramastan, ekonomıkalyq ósý baıaýlaýda, ómir súrý men balalardy tárbıeleý qunynyń ósýin esepke alatyn jańa býyn balaly bolýdan kóbine tartynyp qalady.

Halyq sanynyń azaıýy men qartaıýy bolashaqta Qytaıdyń jumys kúshin qysqartady dep boljanady, bul el ekonomıkasyna da áser etedi.

Aıta keteıik, Qytaı bala týýdy qoldaý úshin jańa sharalar qabyldap jatyr.

Sonymen qatar, Taıvanda halyq sany 2023 jyly ósý trendin jalǵastyra almaı, 2024 jyly qysqardy.